為追演藝夢 趙璧渝《逆天奇案》贏人氣發力搵真銀

由陳展鵬、林夏薇、黃智賢主演的無綫劇集《逆天奇案》贏得收視與口碑,劇中除了有錢小豪、鮑起靜、麥玲玲、洪卓立等星級客串之餘,就連一眾配角亦有不少發揮機會,其中飾演陳展鵬下屬「妹頭」的趙璧渝(Osanna)也人氣冒升,帶挈趙璧渝工作量急增,現忙於拍攝新劇《痞子殿下》的她,有望搵真銀拍廣告。

《逆天奇案》播得如火如荼,近日故事情節圍繞着失戀的趙璧渝參加人生改造課程,從而帶出新單元「神秘組織洗腦案」,其實現年32歲的趙璧渝,入行8年,多演出跑龍套角色,至去年的《法證先鋒IV》一幕只戴黑色胸圍危站天台邊緣的鏡頭,開始嶄露頭角,而今次《逆天奇案》中是她入行以來最多戲份的一次,她說:「從影以來最重戲份的一次,第一次有咁多屬於自己嘅鏡頭同對白,拍攝期間心理壓力好大,成日都瞓唔着,好緊張,因為想演得好啲,好好把握今次機會。」

獲「大小姐」鼓勵

為了拍攝要跟悍匪槍戰的鏡頭,趙璧渝不眠不休通宵排練開槍動作及表情,而近日的「洗腦」戲,更令趙璧渝有不少發揮機會,令人眼前一亮,她說:「劇集播出後,公司好多同事都為我打氣,有次喺化妝間撞見『大小姐』林淑敏,我哋之前因合作處境劇《愛‧回家之開心速遞》而認識,佢話有睇套劇,仲對我講咗好多鼓勵說話,真係好感激佢,除咗公司同事之外,有啲圈外朋友,睇咗套人劇之後都有Send訊息嚟打氣。」角色贏得口碑,同時亦令趙璧渝有搵真銀的機會,她說:「出劇係會增加咗搵錢機會,最近都有啲宣傳片、廣告傾吓,睇吓有冇合作機會。」

愧對單親媽咪

此外,單親家庭長大的趙璧渝,為圓演戲的夢想,8年前毅然參加無綫藝員訓練班,出道以來收入不多,每月只有4位數,今次難得「重」戲份,一手撫養她成人的媽媽,當然喜在心頭,趙璧渝說:「媽咪好忙,平時好少追劇,不過佢今次為咗我都煲劇,其實一直以來媽媽都好支持我,畀我好任性咁追夢,自己好愧疚咁多年都畀唔到家用媽媽,仲要媽咪擔心我夠唔夠錢用。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟