《ERROR自肥企画》神級結局被捧為神作 阿Dee暗示會有續作

ViuTV節目《ERROR自肥企画》備受觀眾熱捧,打破綜藝節目的固有模式,搞笑兼無底線掀起追看熱。《ERROR自肥企画》日前播出最後一集,充滿深度而且富有深層意味的內容令觀眾捧為神作。ERROR的肥仔(梁業)、保錡、阿Dee(何啟華)及部分幕後團隊成員先後在個人IG感謝觀眾支持及發表感想。

肥仔指︰「有呢班兄弟喺度有咩會堅持唔到?希望ERROR整團人會越嚟越好,有你哋支持一定做到。睇完今次《自肥》之後發現到自己好多不足,自問自己綜藝喜感不足,只有外表喜感,我會向兄弟們好好學習。有今生無來世﹗」

阿Dee就表示︰「『We』made it. 『I』made it. 『You』made it『V I U』made it. ERROR X 無制限ot編集団,《ERROR自肥企画》,有今生無來世。本·季·完,待續… 」

而成功走出「雪櫃」的保錡就表示︰「有你們才有我的存在,一起堅持下去。路不平坦,但只要齊心一定能衝破。謝謝每一位香港觀眾﹗」

而節目的幕後靈魂「格仔導演」Mike就表示︰「每一次同呢個坐咗兩、三個月嘅電腦位離別,都會有少少唔捨得。再一次多謝咁多位觀眾嘅支持,你哋睇完有嘢拎得走,我就好滿足﹗」他又將功勞歸功於團隊,表示︰「致『大家』:係『你哋』成就咗『我哋』。『大家』一齊繼續努力。」

保錡IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟