48歲黎瑞恩胰臟長兩瘤 Facebook分享「樂觀療法」:過一日、賺一日!

(FB)

現年48歲的歌手黎瑞恩(Vivian)早在上年生蛇生上眼,免疫力低所致。而近日,她又再於FB發文透露早前進食感不適,初時以為是幽門螺旋菌或是腸道有瘜肉,但經檢查後卻發現胰臟有陰影,「最後再作詳細檢查後發現胰臟真係有兩個瘤。」

Facebook 全文:
因為成日食完嘢好似頂住頂住咁🙄咁我就懷疑自己應該係有幽門螺旋菌又或者條腸好多瘜肉🤔人生第一次做全身檢查就係40歲😅報告出咗,所有嘢都正常👍唯獨是見到胰臟有d陰影🥺最後再作詳細檢查後發現胰臟真係有兩個瘤🥶醫生話:「好難先睇到㗎😳通常末期先俾你睇到㗎!不過暫時都係良性」醫生話因為一個喺頭、一個喺尾🧐要切嘅話,喺頭嗰個黐住其他器官,所以每個器官都要切三份一🔪咁我問:有冇藥食㗎😔佢話冇😞咁點算呀😭咁你以後開心d啦!每6個月check一次啦😕頭兩次我都好乖😊但係諗諗吓照CT都有輻射🤔照多幾次本來冇嘢都變有嘢啦😂最後我選擇對呢兩粒嘢不聞不問🤣總之每日就當「過一日、賺一日」開心就得啦❤️
呢兩日,突然肚痛脹到爆裂又發燒😷痛到要入院,我諗時間都差唔多喇🥺醫生話幫我照吓成個肚👨🏻‍⚕️好神奇🌟佢話見唔到你胰臟兩粒瘤喎🤔只係腸胃炎導致腸抽筋🤓我即刻開心到癲咗🤯問咗自己好多次點解….點解…唔理咁多喇😂原來唔好諗埋咁多冇謂嘢及負面嘢😝真係可以醫病㗎🥰所以我想同大家分享我嘅諗法😊希望無論患咩病嘅朋友講😉大家唔好絕望🌟放鬆及樂觀,凡事都有可能❤️

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟