45歲梁詠琪「技能解鎖」!奪Patisserie Chef資格

(大會提供)

現年45歲的歌手梁詠琪(Gigi),在較早時份曾報讀全日制「法國ICDE糕餅烹飪藝術文憑課程」,經過480小時密集課程,再完成8.5小時考試後,呢日終於正式修畢文憑,唔單止有資格於法國開餐廳,更可以喺當地當上Patisserie Chef。

Gigi表示自己一直都有留意呢個課程:「去年趁疫情期間出埠工作減少,就做自己喜愛嘅事,立刻把握機會報讀。我起初擔心太辛苦,自己適應唔到,但後來覺得越學越好玩,學識如何製作以往在餐廳品嚐美味嘅法式糕點,非常有滿足感。」Gigi更坦言修畢「法國ICDE糕餅烹飪藝術文憑課程」後,不但可以有資格於法國開餐廳,更可以喺當地當上Patisserie Chef。但Gigi無諗過做甜品大師,只希望能學以致用回饋社會:「我希望做一個慈善義賣活動,與粉絲分享畢業喜悅之餘,又可做善事。於是將自己想法同學校分享,同班同學們及老師非常積極幫忙,一起馬不停蹄連續12小時,製作手做法式朱古力(chocolate Bonbon),所得收益捐贈畀『小黃花慈善教育基金』。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟