張雷入行逾40年大爆特技人辛酸 難忘演金輪法王險中暑

由「武打女星」楊盼盼主持的《盼你賞面》,最新一集(5月15日)邀請著名特技演員張雷做嘉賓,期間楊盼盼還炮製「紅燒豆腐」給茹素30載的張雷品嚐,令張雷讚口不絕,大讚菜式似藝術品。

入行逾40多年的張雷,自小習得一身好武藝,由龍虎武師出身,在機緣巧合下轉戰幕前,在70、80年代拍攝過《C.I.D.》、《神鵰俠侶》、《天龍八部》系列等多套劇集,同時亦擔任多齣電視劇的特技人,其中《神鵰俠侶》的金輪法王角色,更令觀眾留下深刻印象。

張雷憶述:「當年做金輪法王,記得拍攝時,夏天好熱,(劇情)我要帶蒙古兵打中原,蒙古兵要列隊,點知一個一個咁中暑暈低,於是我就諗『真係咁熱咩?』,我又企出去一陣試吓先,企一陣真係眼前一黑,原來當時氣溫係41、42度;拍攝好玩,同華仔(劉德華)見一次打一次。」張雷續說,演罷金輪法王後,他與華仔到新加坡登台,笑言感覺好似當年The Beatles來港一樣,步出機場時,被好多人圍着,場面噓冚。

心繫飛車特技的張雷,參與過多套電影特技拍攝,其中最為人熟悉的是電影《最佳拍檔》的特技畫面,他說:「參與過好多集嘅《最佳拍檔》,發覺撞車戲,觀眾會鍾意睇啲靚車撞,所以專登喺加拿大訂啲靚車嚟撞。」此外,張雷經常將飛車特技技術傳授給徒弟,問到張雷對徒弟的挑選準則?他表示:「要有基本技術及基本膽色,但又唔可以過龍,過龍又會容易出事,反而要怕死、冷靜先要。」

楊盼盼主持的《盼你賞面》,最新一集邀請著名特技演員張雷做嘉賓。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟