姜皓文自爆驚自己處理唔到角色 當初諗過推演《翠絲》

由「武打女星」楊盼盼主持的《盼你賞面》,逢星期六晚上10時於77台香港開電視播映,最新一集(8日)就邀請姜皓文做嘉賓,期間楊盼盼還炮製「上海雙冬」款待「黑仔」,令姜皓文食指大動,讚口不絕。

席上,楊盼盼表示對姜皓文主演的電影《翠絲》感興趣,不過姜皓文卻表示因擔心應付不到角色,曾泛起推戲念頭,他說:「初初聽到有啲驚,驚自己處理唔到,話晒要做女人,驚Handle唔到,有少少想推(角色),後來聽到監製安排咗好多跨性別人士同我傾偈,知道好多佢哋嘅故事同聲音,覺得呢啲故事、聲音要多啲人知,反而變得幾有意思,於是嘗試接觸多啲跨性別人士,聽更多佢哋故事,所以有信心去演呢個故事(電影)。」為演好《翠絲》角色,姜皓文表示除跟老師學穿高踭鞋行路外,還犧牲色相把全身的毛剃掉,他直言電影出來效果很好,他亦很喜歡角色,希望有機會的話可以再演多次。

入行多年,姜皓文憑作品《拆彈專家》勇奪香港電影金像獎最佳男配角、《翠絲》亦獲提名最佳男主角,對於入圍的心情,姜皓文笑言:「初初從來未接觸過,有少少入圍,已經沖昏頭腦,平常心係假嘅,去到文化中心嗰刻會好緊張,之前係咁,但而家有咩入圍,會覺得係彩數,始終可遇不可求,能夠入圍當中咗獎。」

此外,在節目中,姜皓文大讚老闆古天樂,感激對方的幫助,他說:「老闆幫我好多,又點醒咗我好多,好多時畀咗好大信心我。」

姜皓文大讚老闆古天樂,感激對方的幫助。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟