羅家英同楊盼盼係同門師兄妹 自爆1994年係人生的高峰點

由「武打女星」楊盼盼主持的香港開電視節目《盼你賞面》,最新一集邀請羅家英做嘉賓,期間楊盼盼還炮製「紅燒元蹄」款待家英哥,談到二人的相識淵源,楊盼盼即笠高帽指:「家英哥係我京劇同門師兄,做到你師妹,我真係覺得好榮幸。」

席上,家英哥與楊盼盼大談演藝路,家英哥自小學習粵劇,長大後亦醉心粵劇界發展,至1991年獲導演黃志強邀請首次參與電影《重案組》拍攝,開拓了他的電影事業,家英哥表示:「嗰時黃志強睇報刊,覺得我個樣同個角色好相似,又有少少『地中海』,於是搵人搵我拍呢個角色,我梗係一口答應。之後因為呢套電影,許鞍華搵我拍《女人四十》,而鄭丹瑞發現羅家英都有喜感,於是搵我客串《姊妹情深》,演一個法官搞吓笑,谷德昭睇完《姊妹情深》後,介紹我畀周星馳識,接拍《國產凌凌漆》。」

家英哥形容1994年是他人生的高峰點,接拍了《女人四十》、《國產凌凌漆》、《西遊記第壹佰零壹回之月光寶盒》等多套電影,而《女人四十》更榮獲第32屆金馬獎及第15屆香港電影金像獎最佳男配角獎項,他說:「金馬獎宣布得獎嗰刻,我呆咗兩秒,張國榮喺後面大叫『家英哥係你喇』,感覺仲好似懞查查咁,不過係開心,好記得係袁詠儀頒奬畀我,呢啲都係運氣嚟,可以遇到一個能夠得獎嘅角色及電影。」

此外,家英哥又表示投資過三套電影,不過三套電影均未出過街,他表示:「三部電影都未出過街,留畀自己睇,第一部喺馬來西亞同徐錦江拍、第二部同關禮傑喺廣州拍,第三部就未知出唔出到,我仲想拍第四部,我已經有故事喺度。」

羅家英同楊盼盼係同門師兄妹 。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟