黎紀君憶烘焙店拎牌時波折重重 店舖企穩陣腳全靠客人為先

藝人黎紀君(Christy)與媽媽一同經營的烘焙店,不經不覺已開業3年,日前她接受香港開電視主播馬梓軒專訪,坦言開店是一直以來的夢想:「我細個已經好想開間蛋糕店,後來入咗演藝圈,初時覺得開店無望,但突然間我有機會去台灣學整蛋糕,學完之後就忽發奇想,不如返香港開舖,於是就順理成章開咗呢間舖頭!」

能夠將興趣轉化為事業,Christy當然很有滿足感,不過回想起開舖前,其實申請牌照波折重重,令她百感交集:「申請食物製造廠牌照絕對係我開舖頭以來最棘手嘅一件事!因為要同業主、裝修師傅不斷溝通,好似啲喉管,或者細小到只係一個擺設都有關係!我記得申請期間曾經收到電話,話我可能攞唔到個牌,當時我企喺條街喊咗出嚟,好彩最後都解決到!」

談及很多店舖都不敵疫情相繼結業,而Christy的店舖仍然站穩陣腳,她亦有分享經營之道:「其實我自己好注重客人為先,我成日覺得一間舖要運作得好,最大嘅因素就係客人!有啲客人支持咗我兩、三年,而我亦會經常同佢哋溝通,依據客人嘅喜好推出新產品!例如最近我留意到客人好鍾意花,尤其係花嘅蛋糕,所以就同一間花店合作,製作一個花盒,裡面係曲奇,上面鋪滿花,吸引人哋打卡留念,反應真係好好!」

開烘焙店是黎紀君一直以來的夢想。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟