梁凱寧坦言主播唔係花瓶 寄語新聞系學生要揭示社會不公為弱勢社群發聲

無綫新聞前主播梁凱寧(Maggie)離開TVB結束主播生涯後,重返校園讀書及擔任電視節目主持之外,更返回母校浸會大學擔任客席導師,日前Maggie完成了本學期課程的教學工作,更在IG以長文分享自己的感受及對學生的期望。

Maggie表示:「主播,是『新聞之錨』或『新聞花瓶』?話咁快就完成咗今個semester喺母校香港浸會大學傳理學院新聞系嘅13News Anchoring Lecture喇,亦都好榮幸有份擔任埋另外兩個communication courseguest speaker。我喺八年前都有上過News Anchoring呢個core course,不過當時仲係個year 2學生,估唔到今年可以用Lecturer嘅身份同00後學生交流心得。雖然我已經冇做新聞主播同記者,但母校都願意俾機會我,令我可以同大家分享我嘅經歷,實在非常感謝母校對我嘅信任。」

她續指:「好多人會認為主播只係『花瓶』、係『讀稿機器』,其實絕對唔係!稱職嘅主播除咗要字正腔圓,聲線厚實,語調恰當,既有權威同時亦要有親和力,令觀眾感覺『入屋』;遇到機件故障,稿件甩漏,我哋都要保持冷靜,即時執生;最重要係,當遇上重大突發新聞,我哋要按電視畫面,客觀、中立咁做即時旁述,整合資料,更有機會要做即時傳譯。」

最後,她又寄語一眾新聞系學生堅守專業,「我希望過完今個sem之後,即使同學冇打算做新聞主播,亦都可以有所得着。因為學做主播嘅技巧,尤其係wrap upadlib、做訪談節目、仲有準確咬字、聲線運用、語氣掌握等等,全部都可以應用返喺做電視或電台記者,甚至係其他傳媒工作者身上。希望各位同學畢業後,都入到心儀嘅新聞機構,積極發揮第四權功能,為市民監察政府權貴、揭示社會不公、為弱勢社群發聲、最重要係要保持客觀、中立、不偏不頗。」

岑杏賢IG圖
梁凱寧IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟