疫情令生意跌四成 周家蔚靠口碑撐住美容產品店

 

周家蔚表示美容產品店靠口碑撐住。

藝人周家蔚(Janet)四年前與教授護膚品調配的老師,於佐敦開設美容產品店。她日前接受香港開電視主播馬梓軒專訪,分享營商之道。她坦言與對方合作無間:「我同老師合作得非常好!只係我老公成日話我唔容易相處,哈哈!因為舖頭大多數產品都係由老師親自研發出嚟,之後大家慢慢試驗、改良,過程中我會提出有需要改善嘅地方,老師亦會接受,大家慢慢成長!我哋最初得幾十款產品,到而家有近二百款,都係自己研發出嚟,成件事係好開心嘅!」

周家蔚(左)接受馬梓軒專訪,分享營商之道。

談到疫情對各行各業打擊相當大,Janet亦感受甚深,她表示:「疫情期間生意跌咗四成,其實間舖唔算開咗好耐,點知運作開始成熟時就突然有個咁大嘅影響!但我覺得冇問題,仲撐得住,因為好多熟客都好支持我哋,所以我覺得口碑好緊要,有時客人會send番啲相畀啲意見我哋,見到客人皮膚狀態嘅轉變,都令我好有滿足感!」

Janet與老公洪天明育有兩名兒子,被問到如何做到事業家庭兩兼顧,Janet謂:「其實當初我決定經營呢間舖,同老師講嘅第一個條件就係,我會以家庭為先,咁拍檔理解呢一點就OK!依家兩個仔平時學嘢、補習,我都會盡量親自接送,所以佢哋唔會投訴話冇時間陪佢哋!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟