陳國坤因《精武門》迷上李小龍 感激星爺提攜令知名度大增

楊盼盼主持的香港開電視節目《盼你賞面》,最新一集(424)邀請陳國坤擔任嘉賓,期間楊盼盼為對方炮製「紅燒肉」, 陳國坤自言首次品嚐楊盼盼廚藝,大讚對方廚藝了得,楊盼盼即時吩咐陳國坤 稍後包裝好帶回家太太黃伊汶及兒子陳真品嚐。

陳國坤席間大談對偶像李小龍的感受,雖然未見過李小龍真人,但因為一套《精武門》,他就自此對李小龍著迷,他說:「龍哥(李小龍)對我由細到大嘅影響都好特別,細個因為佢,我會周身郁,好有表演慾,到大個咗開始睇佢嘅書,慢慢會鍾意佢嘅世界、佢嘅價值觀,我個人都變得好有正義感。」

入行多年以來,陳國坤演過四次李小龍角色,其中《李小龍傳奇》令他有最大體會,他表示:「拍攝七個月,好享受,演了李小龍一生,更加了解李小龍的 其他細節,感覺就好似佢陪住我拍咁,對佢嘅了解都一日比一日熟。拍完《李小龍傳奇》有少少憐憫佢嘅感覺,發覺佢原來好無助、高處不勝寒。」而提到在《葉問3》、《葉問4》中所演的李小龍,陳國坤指:「《葉問4》係我所演過 的李小龍角色中最滿意嘅一個,記得之前《葉問3》,拍完一場踢腳戲之後,行 過聽到八爺(袁和平)講『小龍(陳國坤花名)啲腳都係差啲』我聽到好大打擊,即刻同八爺講對唔住,話我會將腳練好。」

此外,節目中陳國坤又感謝周星馳,能夠參與《少林足球》、《功夫》令他知名度大增,他說:「簽咗八年,拍咗兩部電影,比好多人拍廿、三十部更有用,首先是得到人哋對自己嘅認知及認可,而且在拍攝過程中又吸收到好多嘢,兩套戲嘅角色都令觀眾有記憶。」

陳國坤首次品嚐楊盼盼廚藝,大讚對方廚藝了得。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟