「港普F4」首上真人騷 實現夢想組隊開燒烤店

由四位「凍齡女神」蔡少芬(Ada)、朱茵、陳法蓉(Monica)及洪欣組成的女團「港普 F4」,將會首次合體登上真人騷節目《請吃燒烤的姐姐》。眾所周知,四人是圈中數 一數二的閨密團,相識逾20載,姊妹情深,Ada 日前為節目出席活動時,表示她們 一直都有個共同夢想,希望四人一起合夥開店做生意。今次節目四人將實現夢想合夥開燒烤店,不過節目還未出街,四人已「火」花四濺,當中Ada笑稱自己是「港普 F4」中最年輕成員,自誇是「顏值擔當」,並嘲其餘幾位好姊妹才是「港普」,自己的 普通話發音最正確。

對於「港普F4」首次登熒幕拍攝真人騷,Ada表示期待已久,由四人成為好姊妹開始 ,她一直期待可以合作拍戲或上節目,今次將一嘗心願,而在節目中,她們將合夥 開燒烤店,在節目中四人流露不少情感,形容集淚水、開心、搞笑等甜酸苦辣於一 身,她說:「我哋會否擦出火花?因為我哋關係太好,好到有啲爛,好驚火花一擦就 燒着大家,因為我哋每個人性格都好獨特,平時我哋私下玩,都會有鬧交、唔開心嘅時候,所以我哋相識咁多年,一齊工作應該會有火花,不過會係好嗰方面。」

Ada深信四人一起做節目,一定會有默契,互相發揮專長,她說:「我應該負責搞氣 氛,好多時四個人一齊食飯,我都係主動啲、搞啲笑,朱茵就係笑吓掛住食嘢,洪 欣比較多嘢講,但會由頭講到尾,我就會講『其實你講重點得』,至於陳法蓉博學多 才,喺節目可以提出好多得意問題。」Ada 續說真人騷,只要夠真就會好睇,她笑說 :「其實佢哋真係要向我請教,我係佢哋老師,無論咩類型真人騷我做咗好多,而佢 哋經驗太少,哈哈哈!

「港普F4」由四位「凍齡女神」組成,不少人都稱她們為美魔女,不過四人之中,夠竟誰是「顏值擔當」?Ada即笑言:「唔駛講,我從來都冇話過我最靚,不過真係唔駛講 ,第一,四個之中,我最年青,高度嚟講,我係最高嗰個,樣靚身材正呢家嘢,真係 好難講。」至於提到四人之中,邊位普通話發音最「港普」?Ada再次發揮搞笑本色 表示:「佢哋三個都好港普,但我唔係,我啲普通話比較清楚,我應該係最標準。( 老公惡補普通話?)唔需要,我老公話冇得救,仲話我學好咗就冇得笑,不過佢係 錯嘅,我覺得我已經學得好好。」

蔡少芬(Ada)、朱茵、陳法蓉(Monica)及洪欣組成的「港普 F4」。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟