【廖啟智逝世】智叔安息禮直播!王祖藍鄺文珣有份唱詩歌道別

(截圖)

資深藝人廖啟智(智叔)上月不敵癌魔逝世,終年66歲,其安息禮今日(20/4)於尖沙咀聖安德烈堂舉行。疫情關係,安息禮不設公祭,大眾可透過網上直播追思。智叔妻子陳敏兒分享時,便透露當年他們曾請兩個月假做背包客窮遊歐洲:「點知計錯數,佢要買張單程貴機票,趕返香港開工,我就等三個鐘,繼續搭平機票返香港,佢入閘前掉轉頭望我,喊咗出嚟,我亦忍唔住,流淚眼對流淚眼,好彩冇人問我哋係咪因為移民。」

安息禮中,智叔大仔廖文哲表示:「我以為爸爸唔鍾意我,但係每次我喺澳洲讀書返嚟,喺機場睇到佢嘅笑容,我知道佢係從心底裏想見到我。」他又透露小學高年級時,要求自己一個人返學放學,智叔說好:「佢擔心但尊重自己嘅決定,但原來佢有幾次偷偷跟喺我身後,確保我嘅平安,佢對我嘅愛接近沉溺程度!」至於二仔廖文信便說自己從事製作後,不時向父親問意見,又指自己成為了父親「最後一個學生」:「喺醫院時我讀故事畀你聽,你教我抑揚頓挫,成為咗我哋之間嘅新活動。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟