葉巧琳首參演舞台劇 獲羅敏莊讚實力非凡

 

 

葉巧琳(左)首次演舞台劇,獲羅敏莊大讚。

葉巧琳(Mischa)首度參與舞台劇《我們的音樂劇Reimagined》,能夠獲得這次難得的機會,全因音樂會監製一直想找劇場新面孔參與其中,然後看到Mischa早前在《全民造星III》中表現優秀,而且又是演藝學院聲樂系畢業,覺得很適合,所以便邀請她加入。

相比起早前參與《全民造星III》決賽同樣需要現場表演,Mischa坦言今次好玩居多,並說道:「第一次戴咪試唱時會表現緊張,但之後感覺似玩,練習時大家興起會爆肚,不過都係玩啫,嗰一刻就會專注要拆招,要點樣response(做反應),過程裏面學到好多嘢。」這次音樂會中的歌曲,包含了70年代至近年的作品,很多Mischa 都未曾聽過,但幸好她出身自演藝學院主修聲樂,本身懂得睇譜,算是較快上手。

這次音樂會只有一個半月的排練時間,十分趕急,Mischa要在台上載歌載舞,她也表示甚有難度:「因為要跳舞又要走位、拎咪,有時會手忙腳亂,好在Mimi(羅敏莊)一早已經話咗畀我知,等我有心理準備。」Mimi對此也笑言:「工作人員同佢講話好簡單行幾步,但其實真係好需要預備。」Mimi又大讚Mischa,指對方雖然是首次參與劇場演出,但實力非凡,她說:「Mischa成日話緊張但一啲都唔覺,實力好好,同埋今次其實係重演,我哋對上一次用咗三個月去排練,佢就只有一個半月時間,對佢好唔公平;話佢係後輩,其實佢嘅表現絕對唔係後輩。」資深舞台劇演員王耀祖也說:「今次係Mischa嘅速成班,第一次做呢類型嘅演出,經歷咗一個月嘅排練,唔單只已記熟所有曲詞,同我哋更打成一片,平時我哋可能會爆肚玩佢,但佢而家已經識得玩返轉頭,排練中不忘嘻哈,我哋已經成為好好嘅夥伴。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟