初嘗鋼管舞感挫敗 盧頌恩呻年紀大

 

盧頌恩(右)上唔到鋼管,自嘲年紀大。

由李尚正(阿正)、盧頌恩(妹頭)主持的香港開電視王牌節目《臥底旅行團》以及去年播映的《餓底外賣員》,均贏得收視同口碑,為延續二人精神,他們主持的全新節目《餓底送上門》將於明日(12日)晚上首播。今輯節目繼續以「在家」消費為題,在疫情嚴重打擊下,香港各行各業為掙扎求存被迫轉型「送上門」,節目中,兩位主持將以身試探,測試各種上門服務有否中伏危機!

合作無間的李尚正與盧頌恩在節目中,「在家」玩盡打泰拳、鋼管舞、健身、按摩、種菜、美髮等上門服務,其中妹頭表示對玩鋼管舞最為難忘,她說:「第一次試玩,估唔到喺屋企都可以玩,真係幾難忘。」她指鋼管舞導師又好性感,其實事前自己都驚招架不到,到真正試玩的時候,她與阿正仲重到上不到條鋼管,令自己好大挫敗感:「話晒自己之前都跳過舞,但而家自己連鋼管都上唔到,真係年紀大喇。」

狗咬狗骨恨開拖

除了鋼管舞之外,妹頭指跟阿正打泰拳亦十分惹笑,她說:「我哋都未學完嗰堂泰拳,已經忍唔住要對打,見到阿正就好想打佢,阿正都唔會憐香惜玉,我哋成日狗咬狗骨,佢都唔係好當我係女仔,最終梗係阿正贏啦。」

盧頌恩(左)與李尚正(右)練泰拳。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟