【真‧三國無双】林雪熱到爆粗 被艷女包圍難頂體味  

林雪於新片中被性感靚女包圍。

林雪於新片《真‧三國無双》中,無論在造型、以致電影中的演繹,都演活了性情殘暴、荒淫的「董卓」,獲網民一致讚賞神還原。不過神還原的背後其實非常辛苦,他經歷炎夏外景及悶熱廠景拍攝,形容係是折磨。

傷腰險墮馬

極具份量的林雪炎夏着古裝,要黐鬚、戴頭飾及披幾層戲服,場場戲大汗叠細汗,問他為何當初肯演「董卓」,他笑說:「我接呢部戲時首先睇咗個造型。咦?呢個咪我囉,我先接咋,當然導演都係好有誠意,傾角色時導演真係做足準備。」拍披甲上陣的戰爭打鬥場面,他演繹得極威武,但其實他身穿的黃金戰衣相當重,又要拎住巨大的鋸齒刀策馬殺敵,少不免損手爛腳,幸好情況不嚴重,雪哥謂整親時都係得個忍字:「你話拍古裝辛唔辛苦?講唔辛苦呃人啫,辛苦到X街添呀。喺新西蘭騎嗰啲馬係本身野外放牧,冇咁易馴服,一轉彎直情想將我成個人拋落地,扭親條腰,好在側邊有個當地馬伕扶住我,不過拍出嚟真係好好睇,辛苦都值得。」

同古天樂爭女

「董卓」在《三國演義》中另一為人熟悉的情節,要數到跟戰神「呂布」(古天樂 飾)爭閉月美人「貂蟬」(娜扎 飾),林雪笑說:「我同呂布爭女?佢邊有得同我爭呀?全部都係佢嘅。」雪哥以往拍戲較少涉女色,這次因為飾演好色暴君「董卓」而艷福不淺,他稱拍《真》片時正值暑假十分酷熱,拍外景固然熱到抽筋,開廠景又無冷氣,所以拍攝被幾位艷女大包圍的廠景戲份,雪哥揚言都係頂唔順:「啲女着到『薄切切』,大家出晒汗,人有體味,嘩!真係頂佢唔順!幾靚女都好,你話我開唔開心呀?我覺得係一種折磨,啲體味搞唔掂,你唔好見我咁肥咁輪盡,我人就唔挑剔,但味覺幾挑剔。」

林雪於片中同古天樂娜扎。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟