ANSONBEAN加盟寰亞 送蕉畀師姐欣宜兼偷師

跳唱新人陳毅燊ANSONBEAN)加盟寰亞音樂!潛質優厚的ANSONBEAN甫一加盟,即獲公司安排與師姐 Joyce 鄭欣宜合作新歌《@princejoyce(featuring ANSONBEAN)》,既然是兩人首次合作,就算 Joyce 拍攝當天沒有ANSONBEAN的通告,他也十分有誠意地親到現場探班且在一旁靜靜偷師,更非常攪笑的買了一袋香蕉往探班,逗得師姐 Joyce 開心笑得合不攏咀,Joyce 更立即邀請ANSONBEAN在她的 IG 拍下短片留念。

ANSONBEAN 說:「可以同 Joyce 合作真係好開心!雖然我同 Joyce 係分開拍,但係 Joyce 拍攝果日我都有去探班,不過我只係買咗啲香蕉俾佢,幫佢打吓氣。但我一去到已經俾個好靚好壯觀嘅景嚇親,再見到著住套好靚舞衣嘅 Joyce ,佢手上的水晶長指甲又好靚,襯起佢好靚好型,攪到我望住佢都有少少緊張,所以只係敢同佢講叫佢加油呀!」

年紀輕輕的 ANSONBEAN 平時喜歡跳跳紥但其實非常勤力好學,當一知道要在新 MV 中演出便立即私底下加操練舞,他説:「MV 隻舞唔係好複雜,拍之前兩日開始學,之後我睇住 Joyce  MV 私底下練咗一日,所以拍攝時大家都滿意我表現,公司同事讚我學得快,其實係我秘密苦練將勤補拙。」

第一次正式入錄音室錄個人作品的 ANSONBEAN直言,在錄音室時自己確實有點緊張,他說:「剛開始錄歌時我係有啲緊張,之後就進入狀態放膽咁唱,自己嘗試花啲心思放多啲自己嘅方法入去,又試吓扮厚啲聲扮大隻佬咁唱,攪到好似演戲咁花功夫。」 師姐Joyce又如何評價小師弟的表現呢?Joyce 說:「我同公司都覺得 ANSONBEAN 好啱呢啲跳舞節奏嘅歌,咁《@princejoyce》呢首歌就啱晒啦, 佢嘅表現亦都very very good!」

ANSONBEAN甫一加盟,即獲公司安排與師姐 Joyce合作新歌。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟