衛詩雅緊張新片票房 壓力大到瘦足兩個碼

衛詩雅(Michelle)出席美容院新店開幕活動,她表示新片上映後令她感壓力,指每天起身睇票房成續如睇股票一樣,而身形亦瘦足兩個碼。

衛詩雅緊張新片票房,搞到消瘦不少。

Michelle身穿性感低胸裙,以代言人身份現身活動,但她身形明顯消瘦不少,裙子亦不時滑下,更不慎露出胸墊,搞到她不時拉高裙子,避免走光。

其主演的英皇新片《不日成婚》上映一周,票房壓力令她消瘦不少,Michelle指裙已經比平時細兩個碼,但依然不合身,她謂新片令她壓力好大,亦睡得不好:「依家每朝起身,好似睇股票咁睇吓套戲嘅票房,同埋忙周圍去謝票。」她謂票房還可以,口碑就好好,亦有計劃開拍第二集。問到第二集會否繼續搵姪女參演,她指姪女很開心睇看到很多報道,笑言被好搶鏡,不入行就浪費,亦有考慮搵埋他的細佬演出。但她謂:「私心嚟講就唔想佢哋入行,因為會變到老積晒,冇咗童真。」

此外,Michelle透露與美容院已合作4四年多,會做脫毛美容,又自爆小時候是「毛孩」,笑言個嘴好似美人生鬚,現時做了全身脫毛,皮膚又白又滑。

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟