與老公管教子女存分歧 黃芳雯:要睇小朋友個性

有線藝人黃芳雯(Paula)偕4歲兒子潘朗天,日前與香港開電視主播馬梓軒一同拍攝兒童節特輯。Paula現時是一對子女的母親,被問到家中多了小朋友之後,會否更加重視兒童節,她笑言:「其實冇啊,因為兒童節多數冇假放,只係咁啱今年撞正復活節長假期!我覺得小朋友開心嘅話,每一日都可以係兒童節,因為現時喺屋企裡面,我同老公都以子女為先,所以冇特別慶祝!」

黃芳雯帶同兒子接受訪問。

Paula表示雖然朗天很乖,大部分時間都不用她勞氣,但也曾因為管教子女問題,與丈夫存在意見分歧:「老公有時覺得我對個仔太仁慈,但其實我覺得而家嘅年代同以前唔同,以前教小朋友可能要鬧甚至打,而家就唔同,我覺得要睇唔同小朋友嘅個性!同埋有時候小朋友主動走過來攬你錫你,簡簡單單已經覺得好sweet!」

黃芳雯曾因管教子女問題,與丈夫出現意見分歧。

精力充沛的朗天,玩完尋寶遊戲,更一口氣炮製八件杯子蛋糕,Paula都大讚兒子手勢,更表示會再接再厲,嘗試在家炮製:「今次係一個好好嘅體驗,因為我之前喺屋企整啫喱比較多,估唔到杯子蛋糕嘅製作過程比想像中簡單,預備嘅材料同份量唔多,但已經整到咁多杯出嚟,可以同多啲屋企人分享!」

黃芳雯讚兒子很乖,大部分時間都不用她勞氣。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟