黃貫中收「火辣」驚喜  標淚慶生日



黃貫中(Paul)今日57歲的正日生辰,老婆朱茵趁機為壽星製造「火辣」驚喜,親自炮製Wasabi蛋糕整蠱老公!在實行整人計劃當日,朱茵率先抵達 Paul 的畫室,準備好各種食材。她首先在忌廉蛋糕上塗了不少山葵醬及芥末醬,再用草莓、芒果等水果作「掩護」,務求要Paul一試難忘。結果搞到Paul辣到標眼淚,但仍然話「幾好食」。

朱茵親手炮製「火辣」Wasabi蛋糕給黃貫中。
兩夫妻分甘同味



當壽星Paul到場後,朱茵先用雙手矇住對方雙眼,待Paul睜開眼看到「其貌不揚」的整人蛋糕後哭笑不得,不過得知是老婆親自為他炮製的蛋糕,Paul唯有硬著頭皮試食。當他吃到 Wasabi 後立即「揦埋口面」,更辣到標眼淚,並高呼:「嘩!辣嘅?係咪整蠱我㗎?不過整蠱唔到我,因為我覺得幾好食喎!」奸計得逞的朱茵在旁一直偷笑,怎料 Paul 也要餵老婆吃一口Wasabi蛋糕,實行分甘同味!朱茵當然不忍心只惡搞老公,最後送上真正早準備好的生日蛋糕,為 Paul 送上生日歌及香吻。

朱茵送驚喜畀老公。
黃貫中食到標眼淚。
憶老婆地獄料理

事後問到Paul被整的感受時,他笑說:「其實老婆畀咩我都要食㗎啦,但食完兩個蛋糕後,我真係覺得有Wasabi嗰個好味啲,有食緊魚生嘅感覺,芒果就好似吞拿魚嘅口感。」不過今次朱茵炮製的加料蛋糕,令Paul憶起不少老婆的地獄料理:「佢最恐怖係佢認真下廚嘅時候,仲大鑊過有心整蠱!我記得有次佢用微波爐蒸魚,條魚用保鮮紙包實,叮完出嚟成條魚掹到實一實,仲要唔係好熟咁,總之見到都驚。」朱茵立即為自己平反,笑言:「我記得嗰時係識咗冇幾耐,呢個係比佢嘅測試嚟,我要睇佢咩反應,哈哈。」

黃貫中憶起不少老婆的地獄料理。

提到以往的生日驚喜,Paul 表示最難忘是朱茵瞞住他相約了一班兄弟好友,為他舉辦驚喜派對。而數到最浪漫一次,他說:「我記得有次我哋係海灘交換禮物,懶係浪漫咁,雖然係好老土,但往往最開心就係呢啲老土嘢。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟