Ian@MIRROR新歌暗藏愛的密碼

陳卓賢推出年度首支個人新歌《DWBF》。

人氣男團組合MIRROR日前宣布五月開騷,三場門票瞬即被樂迷秒殺,全城一票難求!好事接踵而來,團內「創作擔當」陳卓賢(Ian)於本月29日推出年度第一首個人新歌《DWBF》,今次更一改「陳式情歌」風格,以甜蜜冧歌打響頭炮,引發心動警報!對此Ian坦言:「曲風同以往好唔同,希望着今年推出嘅幾首歌,向大家展現更多嘅自己。」

馮允謙跨刀作曲

《DWBF》意即「Don’t Wanna Be Friends(不想只當朋友)」,講述少男少女在友達以上、戀人未滿階段,既期待又怕受傷害的心路歷程,Ian透露:「故事係講一個男仔唔想再同對方做朋友、希望超越友誼,終於佢踏出一步,所以有呢個構思同歌名。」

首度與T-Ma和馮允謙(Jay Fung)合作,擔任《DWBF》的共同作曲人,Ian笑言全靠監製T-Ma牽線,也因為創作過程愉快,令他渴望與更多音樂人聯乘合作。過去多次包辦曲詞創作的他,雖然今次未有填詞,卻提供了不少想法,還自爆字裏行間暗藏玄機:「同作詞人鄭敏傾咗好耐,佢好了解我嘅諗法,例如我好鍾意方大同,所以將《愛愛愛》、《歌手與模特兒》放入歌詞,當係一個密碼。」

臨場加戲嗌緊張

日前Ian為新歌拍攝MV,團隊特地搭建了溫馨而復古的六角形房間,他大讚製作用心,又指360度拍攝效果有趣;不過向來多才多藝的他,竟被一場彈琴戲碼考起:「導演想我喺間奏時彈琴,於是我就即刻聽下首歌,臨時彈出嚟!嗰下都幾大壓力,因為大家都等緊我,又唔想阻住大家,同埋我都好耐無彈琴,喺冇準備嘅情況下都有啲驚,算係今日最緊張嘅戲。」

提到2021年的目標,Ian承諾繼續朝唱作人方向進發,同時率先透露年度計劃,向樂迷大派定心丸:「早幾個月好似冇乜動態,知道大家有啲擔心,其實呢段時間係為咗今年嘅計劃做準備,包括《DWBF》,都係呢幾個月嘅創作;而且自己都有持續進修,希望各方面做得更好!最近訂立咗一啲目標,例如之前講過,今年想推出四首歌,所以要催促自己加緊腳步 ,希望可以如期完成,亦都希望大家關注我嘅作品。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟