張致恒上水稱正努力還錢 籲傳媒高抬貴手勿再找他老婆

張致恒(Steven)最近醜聞纏身,被指因欠債嚴重更與妻兒搬屋避債,連手機號碼亦停用,老婆區燕雯(雯雯)更壓力爆煲。潛水多時的Steven終於上水回應事件,他在IG上表示:「首先好多謝大家嘅關心,我想喺度重新講多次,我冇走數我冇着草,我而家只係默默地工作,一直都好想還晒啲錢俾我所欠嘅朋友,講真係呢段時間真係過得好辛苦,搵到錢返嚟,我係有還過俾我嘅朋友,只係未完全還晒,我明白喺宜家呢個時勢大家都好窮,所以我會好努力咁去工作盡快還晒俾大家,想喺度同我嘅朋友講聲對唔住拖你哋咁耐。」

其後,Steven又提到自己的老婆:「仲有嘅就係因為我嘅原因令到老婆嘅情緒唔好,所以我懇請大家要鬧要話嘅,可以私信同我講,我好樂意俾你地鬧,希望大家唔好再私信我老婆,佢要幫我照顧兩個小朋友已經好大壓力。仲有希望各位記者朋友可以高抬貴手,你寫我乜嘢都唔緊要因為我係公眾人物食得鹹魚就要抵得渴,但係我老婆嘅家人都係普通人一個,其實點解仲要攞出來講呢,若果有一日你全家嘅成員俾人擺出嚟你又會點諗呢,阿婆幾十歲心血少唔嚇得,同埋阿公已經過咗身,希望大家尊重阿公,跪求大家體諒!」

張致恒IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟