楊盼盼「煮場」細說影壇點滴 邵音音自嘲另類功夫女星

「武打女星」楊盼盼為香港開電視主持新節目《盼你賞面》,將於3月27日起逢星期六晚上10時播映。在節目中,楊盼盼親自下廚煮上海菜,分別為10位電影界的知心好友製作佳餚,以美食相聚,並分享過往拍電影的點滴!

首集嘉賓邀請了去年憑微電影《老奶奶與無名子》,八奪海外影后殊榮的70年代性感女星邵音音,對於能夠成為楊盼盼的座上客,邵音音大感榮幸。

楊盼盼特別為邵音音炮製「黃金百頁卷」,逗得邵音音十分高興,期間邵音音笑言:「講起功夫,其實我都係拍功夫片,不過佢(指楊盼盼)喺彈床上拍,我喺床上拍,所以我哋係兩個不同類型嘅功夫明星。」向來說話大膽的邵音音,不時談及昔日拍攝風月電影的日子,她說:「我個仔細個嘅時候,畀啲同學阿媽話『佢阿媽拍三級片』,嗰時佢小學一年級,佢返屋企問我『同學阿媽話你拍三級片』,我嚇一跳咁話『係呀』,佢問我點解要咁做,我唯有同佢講『我畀人呃㗎』,到之後有次我出門去大陸拍劇,我個仔話『拜拜媽咪,唔好畀人呃去除衫呀』,我答佢知道啊,我哋日子就係咁樣度過。」

此外,邵音音與楊盼盼大談昔日在邵氏工作的點滴,二人大讚邵氏是一個很好的訓練地方,為她們打好基礎,邵音音還大讚邵氏中不乏大好人,她說:「姜大偉好好,佢喺街見到有人派飯,佢會走去廠問人攞飯盒,然後兩公婆戴住個口罩去派飯盒畀公公婆婆;狄龍又係好好,佢喺演藝人協會時,個個月都會聚餐,佢就買香港最好嘅齋畀大家食,好關心老人家。」至於,提到邵音音去年憑微電影《老奶奶與無名子》,八奪海外影后殊榮一事,邵音音自言是好運氣,自言能揚威國際,為香港爭光,感到自豪。

楊盼盼邀邵音音上節目做嘉賓。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟