黃妍難忘南法捱凍睇日出

唱創女歌手黃妍(Cath)推出新歌《天光前》,以日劇熱血feel曲風來向樂迷傳達珍惜自己的愚勇,珍惜仍能一往無前付出的感情。為了配合新作,今早她到黃埔海濱 NODI Coffee Mart 進行直播活動,除了以歌聲為各位上班族打打氣外,還親手沖製由她特別安排、從台灣空運抵港的「天光前 手沖咖啡」,希望大家都會有美好的一天。

活動於早上7時開始,同步在Cath的社交平台作直播,讓未能到場的粉絲們可以聽歌醒醒神!Cath在兩位樂手 Mike 及 Raymond 伴奏下,先後唱出去年派台的《遲起的鳥兒有蟲吃》、《牆身有裂》和《我心中尚未崩壞的部分》,接着便唱新歌《天光前》,特別到場支持的粉絲們都聽得津津有味,更有人小聲的跟着唱,氣氛溫馨。

原來Cath今次揀歌時都花了一番心思,她說:「特別揀《遲起的鳥兒有蟲吃》係因為大家今次唔可以遲起,因為要早起先可以嚟聽歌同飲咖啡,哈哈!而《牆身有裂》係我同音樂人林易祺合作嘅第一首派台歌,今次《天光前》都係同佢合寫嘅,所以有放入song list。而《天光前》係承接住《我心中尚未崩壞的地方》嘅意境,所以都會唱埋。」今次Cath更特地帶自己的「新歡」粉藍色電結他到場「見世面」,她毫不掩飾自己對它的喜愛,又不時讚結他「靚仔」,十分逗趣。最後Cath唱出魏如萱的作品《Have a nice day》,憑歌寄意,祝願粉絲和大家可以有美好的一天。

唱完歌後,便開始派發咖啡活動,一向愛飲咖啡、對咖啡有研究的Cath今次特地邀請專業人士為她調配咖啡豆,她說:「今次特登搵咗個相熟嘅台灣咖啡老師造豆,之前佢為我首《偷時間的人》去造過咖啡豆,我試過個味好特別,由於今次首歌又係喺台灣寫,就諗住俾大家可以回味一下台灣味道,所以就請老師就住《天光前》去做一隻咖啡豆。我試飲過,非常好味!佢真係帶酸酸地,好似追夢好辛苦、有啲挫折嗰種感覺,但最後又有啲回甘,就好似你追夢時得到嘅滿足同快樂咁,所以真係好想大家都有機會試到。不過由於喺香港係限量,所以就只有叫大家早啲起身嚟,我沖俾大家飲。」

活動現場秩序良好,粉絲和途人排隊取咖啡,不少人先聞過咖啡的香味才細嚐享受,也有趕返工的上班族就表示會返到公司才慢慢歎這杯空運抵港的限量咖啡,Cath見到大家捧場也感開心。一講到咖啡,Cath分享自己喜愛的口味:「我鍾意飲手沖咖啡,鍾意中淺焙嘅咖啡豆,有少少偏酸帶甜嘅咖啡味,因為咖啡豆其實同酒一樣,唔同產地去種植嘅咖啡豆,用唔同嘅方法去處理,出到嚟個味真係會唔一樣。」

講到「天光前」的相關事,Cath覺得天光令她覺得有新開始旳感覺:「因為天黑嘅感覺好有一個人獨處、好孤單、好寂靜嘅感覺,但天光就好似成件事開明咗,尤其是當你見到天光嗰一下,個天好靚,心情都會變得好好!」那Cath以往有試過等天光睇日出的經歷嗎?「我好少喺香港特登起身去睇日出,只係試過失眠時見到天光。不過有個幾難忘嘅睇日出經歷,當年我大學畢業旅行時,因為錢唔多,就同朋友去買通宵巴士車飛,由巴黎落南法,諗住用可以坐車嚟慳一晚住宿錢,點知架巴士比預定時間早咗到,我哋4、5點已經到達,造就到我同個朋友坐喺巴士站度睇日出,等到天光再去住宿嘅地方,雖然要捱住凍睇,但個經歷係幾難得嘅。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟