【小儀與13型男】蘇民峰感激愛人唔嫌自己窮

堪輿學家蘇民峰師傅擔任小儀主持的香港開電視節目《小儀與13型男》嘉賓,甫出場小儀即嫌棄表示:「唔係嘛,點解呀?話明係成熟型男,點解會係你(指蘇民峰)呀?」身旁蘇民峰即回應指:「我熟到爛,不過型唔型,就見仁見智。」你一言我一語,場面惹笑。

節目中,「成熟穩重型」 蘇民峰為小儀親自下廚煮西班牙菜,盡顯成熟穩重一面,小儀亦讚嘆表示:「如果個男仔好似師傅(指蘇民峰)咁煮嘢食叻,吸引力會大增,男仔煮嘢食畀女仔,感覺好溫馨。」席上,蘇民峰亦不時提及拍拖30年的「愛人」Lilian,他說:「我唔係成熟,但我好現實,同我一齊會有安全感,以前窮得滯,啲女人嫌我窮,直到我呢個『愛人』,我窮都唔嫌棄我,第一餐同佢喺台灣飲茶,係佢埋單,因為佢驚我冇錢畀,佢第一次嚟香港,佢買嘢送畀我,我都冇買嘢送畀佢。」

問到蘇民峰憑甚麼成功「鎖住」Lilian?他笑說:「我都有問過佢(Lilian)鍾意我咩,佢話覺得我可憐喎,由憐生愛。佢嗰時鍾意我係因為我醒目,仲有一樣嘢係因為我個人好玩,有邊個男友每日會同對方蒲天光,再行彌敦道返屋企吖。」

在小儀眼中,蘇民峰不僅是成熟穩重,她指對方更是可以付托終生的好男人,小儀說:「同成熟型男一齊有咩唔好處?我太幼稚,未夠成熟,未接收到佢嘅嘢,可能會好大壓力,不過我係鍾意同成熟男仔一齊嘅,但呢類男仔我係吸引唔到,未試過有呢類型男仔追求過自己。」

小儀與蘇民峰煮飯仔。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟