拍拖13年半紀念 林奕匡完騷後即返屋企陪老婆

林奕匡(Phil)帶同師妹區子琳舉行直播音樂會,適逢於元宵佳節,他透露是與老婆拍拖十三年半的紀念日,完騷後即返屋企陪太太。

林奕匡舉行網上直播音樂會。

林奕匡的《Unbox Live Series – Phil 林奕匡》昨晚於網上進行直播,他揀選了耳熟能詳的歌曲《難得一遇》、《孤獨的對岸》獻啪唱,及從未作現場演出的《大寂寞時代》及《不相為謀》,為樂迷帶來驚喜外,當然還少不了新歌《時間的囚犯》。過去Phil都愛唱一些很勵志、很舒服的歌曲,但Phil指《時間的囚犯》一點也不舒服,更會唱出大家的痛楚:「係講大家點去面對壓力與焦慮,唔好搞到自己抑鬱,打跨自己。當全世界都要倒模嘅人生,要跟社會嘅規範去做到某些目標時,其實與別不同係OK的,行自己嘅步伐吧!上年大家嘅精神健康應該都好差,希望呢首歌可以畀到大家少少力量。」Phil又指《時間的囚犯》展現出另一面的自己,在唱腔及曲風上都作出了轉變,而且也是他較少可以「焚」的歌曲,期望之後可以有更大的舞台去唱這歌,估計應該「好好焚」。

新歌《時間的囚犯》MV中出現過的電視機、杯麵、毛公仔等搬到舞台上,精心架構出如MV的現場。
讚師妹認真對待事業

Phil於直播中邀請了小師妹區子琳(Paula)擔任表演嘉賓,合唱《別為我好》,身為2021年新人的Paula更首度獻唱她首支將於下月派台的作品《怕甚麼》。首次以歌手身份作現場演出的Paula,表現獲得Phil的讚賞。其實Phil跟Paula早在幾年前已合作過Phil的《從世界到我家》,昨晚首度以歌手身份演出,Paula坦言百感交集,她說:「第一次做嘉賓,以歌手身份演出,感覺好特別,因為過去自己做觀眾都係睇現場Live show,但今次係網上直播,既陌生又驚喜,估唔到整個舞台都可以setup得咁靚,出嚟效果好正,不過始終第一次同師兄Phil合唱,同埋唱自己嘅新歌,有少少緊張。」

區子琳為林奕匡的網上音樂會擔任嘉賓。

不過Phil對Paula的表現大讚之餘,更乘機教路:「你已經表現得好好!幾年前搵你一齊唱《從世界到我家》,感覺上係放鬆啲,冇咁大壓力,因為就咁唱之嘛,但今次有重任,第一次表演,演繹自己作品,feel到你講嘢都有啲緊,但好正常,我相信你好快就可以適應到,因為我認識嘅你性格都比較繽紛、活潑,今次鏡頭前就好斯文,但作為藝人可以有唔同個性,又可以騷到畀大家睇,其實係好事啊!」Phil更指Paula對於演唱感到壓力,證明她對自己的演唱事業認真對待。

區子琳獲林奕匡讚認真對待演唱事業。
元宵節是拍拖紀念日

昨晚是元宵佳節,但Phil與Paula卻要在工作中度過,被問到二人最難忘的元宵佳節,Phil笑言他完全記不起過去做過些甚麼,不過元宵其實是他與太太拍拖十三年半的紀念日,他說:「開騷前我特別send咗message畀佢,睇吓佢記唔記得,同埋祝佢元宵快樂,因為我陪唔到佢嘛,不過完騷就會返屋企陪佢。」至於Paula則指自己前年元宵節時沒有情人,但一樣有難忘回憶,她說:「記得嗰日係難過嘅一天,諸事不順,但屋企人好窩心煮定湯丸等我收工返屋企,好有愛呢!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟