林二汶「棉乾絮濕」 編織首次紅館個唱

 

林二汶於下月首次舉行個人紅館騷。

唱作歌手林二汶將於3月27日踏上紅館開個人演唱會,二汶說:「相信我係第一個『沒有山頂朋友』嘅紅館演唱會,因為全場劃一 $680,以配合場館嘅特別座位安排。」

被連登仔形容為把聲靚極的二汶,出道二十年首次在紅館開個人演唱會,歌迷都好期待她在演唱會上如何使出渾身解數,不過二汶在拍攝演唱會海報現場卻只肯俾貼士大家,答案可從她在海報的造型此中尋。

林二汶為首個個人演唱會拍攝海報。

二汶解釋:「拍攝海報呢個造型我形容為『棉乾絮濕』,其實除咗靚之外,重同今次演唱會好有關係,因為編織係要日復一日一針一線好有耐心,所以編織呢個精神,擺喺唔同嘅工作入面,都可以形容走漫長嘅路至可以完成,好啱我呢個演唱會,都係一點一滴咁構成。我名叫《The Beginning of Faith(信仰的開端)》,因為我有首歌叫《最後的信仰》,個意義係你相信你一直努力織到底,嗰樣嘢就會出現了,呢個係我做咗咁多年嘅其中一種精神,所以編織係同我成個演唱會好有關連。不過我係完全唔識,就算讀書上家政堂,所有編織功課都係由我阿媽阿婆阿姨幫手合作製作,好慶幸身邊幾位上一代婦女咁有才藝,所以今次都係一併向佢哋作出致敬。」

海報拍攝現場除了有工作人員不停在編織外,在電腦中也不時傳來一把男聲,對拍攝提出意見,二汶解釋:「我哋其實現場直播緊,不過唔係俾觀眾,係俾我哋身處外地嘅海報美術設計陳輝雄睇,我之前張唱片《初音》都係佢設計,科技拉近咗我哋距離,而到時演唱會可能都需要保持一個社交距離,不過唔緊要,我哋心嘅距離最近,希望到時候可以見到你。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟