黎諾懿身教行善捉「小春雞」執禮物籃 落區做義工為基層送暖

黎諾懿日前以某有機奶粉代言人身份,跟福幼基金會義工落區送暖,向土瓜灣劏房基層家庭派發「有機禮物籃」,期間黎諾懿表現親民,除了跟基層市民有講有笑外,還為其中一個家庭的小朋友大唱生日歌預祝生辰,認真窩心!黎諾懿直言「送暖」行動別具意義,皆因所派發的「HiPP喜寶有機禮物籃」,是由他與兒子「小春雞」聯手挑選兼逐件放入,全部都是「小春雞」由細食到大的高質有機嬰幼兒產品,既可行善又可享受天倫之樂。

黎諾懿透露近年新春前後,他都積極行善,希望將關心給予有需要的人,「細個喺屋邨長大,環境唔富裕,亦好開心細個喺咁嘅環境成長,明白大家需要啲乜嘢,可能有人需要物資、可能有人需要物質,但大部分我覺得係需要關心。」作為父親的黎諾懿,當然希望「小春雞」能承傳他的善心,他說:「作為我個仔,想佢學識身體力行去關心人,但疫情下,帶唔到佢一齊嚟,不過我都會培育佢呢方面認識,其實執禮物籃都係一個訓練,學習分享。佢大個之後,會同佢身教,帶佢去柬埔寨或者窮困地方做義工,想佢學懂珍惜。」

問到小春雞在物質上是否非常豐裕?黎諾懿即謂:「非常豐裕,自己細個唔係咁有錢,所以希望可以畀到佢嘅嘢都畀晒佢,變咗有啲泛濫,而家太太禁止小春雞買玩具,太太話我物質上好縱個仔,鍾意啲咩即刻會買畀佢,反而太太喺物質上管得好嚴。唯有對於食落肚嘅野,一定揀最好!所以由細到大佢都係食HiPP喜寶的有機奶粉、糊仔,因為佢係歐洲大牌子,信譽良好,而且係全球銷量No. 1,比到好大信心我哋!」

至於今次落區探訪,可有帶給黎諾懿特別的體會?黎諾懿自言每次探訪都會抱正面態度:「見到每個家庭都好開心,雖然居住環境較細,但佢哋嘅笑容係好開心,其中一個小朋友屋企仲布置好晒,準備慶祝生日。」黎諾懿更不諱言此行勾起不少童年回憶:「自己細個雖然窮,但好開心,物質上係冇乜,不過我哋會有自己娛樂,例如用膠紙包住書包當踢波。」

探訪期間,黎諾懿不時被催促「快啲生多個」,黎諾懿笑言一直都有造人計劃:「繼續進行中,身邊人不斷催我,但個天可能唔想我喺疫情下生小朋友呢,個個都好着急,阿Bob(林盛斌)以為我唔得,成日話畀啲藥我食,其實太太都着急,始終佢都想有仔趁嫩生,希望快啲有好消息同大家講。」

黎諾懿捉「小春雞」一齊整禮物籃。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟