鄭欣宜搜索國際級班底打造新歌

鄭欣宜(Joyce)日前為新歌拍攝MV,拍足近廿小時。她透露今次與國際級創作班底合作,令她跳得似模似樣。

鄭欣宜為新歌拍攝MV。

鄭欣宜踏入新一年破繭而出,事隔七年再炮製強勁節奏跳舞歌,2021強勁主打新作《@princejoyce》滙合國際級創作班底,製作規模更十分龐大,幾十人的團隊更由白天拍攝到凌晨共十多二十小時才完成。為配合新歌舞動節奏,製作團隊更為Joyce設計多款閃亮舞衣,更要特別留意的是Joyce手上的「五爪金龍」水晶長指甲,襯起她的搖曳舞姿,真的聲色奪人。

鄭欣宜戴上「五爪金龍」水晶長指甲。

Joyce透露同公司都一直想找一首節奏好勁好有氣氛可以打響2021頭炮的歌:「我咁《@princejoyce》呢首歌就係啦, Very very very good!我一收到呢首歌已經好鍾意,因為首歌好有態度好有氣氛,我一直都想好想製造一種感覺,係唔使理會別人點睇你,I follow Me ! 跟隨自己感覺。」

鄭欣宜非常喜歡新歌。

Joyce 指出,今次成個製作班底之前從來各自均未試過合作,她說:「每一個單位都係我親自搜索返嚟,所以埋位之前大家都好緊張,幸好大家都非常專業,所以拍攝當天好順利。當然最幸運係搵到一位好勁嘅排舞師,跳舞歌一定跳到飛起,但連日來的排舞都好順利,排舞師好犀利,令到唔係專業dancer嘅我跳得似模似樣。」她希望大家聽到這首歌,都會覺得朝氣勃勃,好有力量好積極好有自信,新一年龍精虎猛!

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟