倪辰自爆情人節前夕分手感心酸

倪辰(Lala)日前錄影情人節音樂特輯,她透露曾有一年情人節前夕,因與男友爭吵如何慶祝而分手,令她要過一個心酸的節日。

倪辰自爆曾於情人節前夕與男友分手。

倪辰原來為配合今次《Season of Love》情人節音樂特輯,早已秘密練兵,特意準備了八首冧歌:「其中有兩首歌係我嘅偶像王力宏嘅《唯一》同埋《Forever Love》,亦都演繹咗鄭融最近嘅新歌《多喝水》。仲有一隊我鍾意咗好耐嘅樂隊啲Dear Jane嘅歌《不許你注定一人》,亦都演繹咗陶喆嘅《愛很簡單》等,其他就賣下關子啦先!」她透露《唯一》就是前度男友某年情人節時,自彈自唱俾給她聽,所以特別深刻。

倪辰獻唱多首情歌。

被問及今年情人節打算怎樣過,會否與另一半一起渡過?Lala 就直言:「今年嘅情人節呢,只能同朋友過啦,所以對於我來講情人節真係又苦又樂。今次唱咗咁多首情歌,令我諗翻起以前曾經試過喺情人節前一日失戀。嗰時同前男友因為吵架,當時吵情人節怎樣慶祝的時候意見不合然後繼而分手,可能對其他人來講係一個好甜蜜嘅日子,但係對我來講就係一個好心酸嘅日子。」

倪辰今年請人節,只能同朋友度過。

Lala 亦表示今次是一個新嘗試:「我從來未試過喺情人節一連八日每日都有唔同嘅情歌送俾大家,亦都同一直合作的音樂平台一齊送出情人節禮物同埋簽名相畀大家。」她最後祝大家有一個愉快又難忘嘅情人節。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟