許志安牛年突破自我玩作曲 率「太陽」師弟妹新春團拜

許志安、劉浩龍今早(18日)率領「太陽娛樂文化」一眾師弟、師妹:陳漢娜、蘇皓兒、馬志威、楊柳青、鄭嘉欣、灰熊、KBChris Collins等,出席新春團拜,期間灰熊與KB更親自上陣舞獅助興,氣氛熱鬧。

眼見許志安身形Fit爆,原來他過年前已努力做足修身準備,他說:「知道新年一定有好多嘢食,例如盆菜、蘿蔔糕,所以過年前已Keep Fit做運動,留定Quota畀自己,直到㝷日,我覺得要跑番步,唔可以再食喇!」許志安坦言因疫情關係未有出外拜年,只透過視像跟親友拜年。提到牛年大計,安仔希望可作多方面嘗試,尤其是作曲,他謂:「新一年想試下拍劇、作曲,自己唱咗咁多年歌,但寫歌就唔多,最近鍾意練電子琴嘅時候作曲。」

至於幾位「太陽」女將陳漢娜、蘇皓兒、楊柳青及鄭嘉欣,也因疫情影響較少外出拜年,異口同聲笑言利是收入大減,其中陳漢娜表示新年間在「期間快閃店」擺賣二手衫,反應理想,她指:「雖然今次經驗很好,但礙於冇資金,所以都無計劃做老闆。」問到牛年展望?陳漢娜希望電影行業可以回復正軌,以及主演的電影《遺愛》可以上映。

去年憑劇集《三十而已》在大陸人氣飆升的馬志威,透露今年會派「開心價」利是,牛年主力內地影視及綜藝發展。而劉浩龍亦因疫情關係,原定一月到泰國拍攝的電影要延至六月才開拍,現階段會作多元化發展,繼續跟Eric Kwok(郭偉亮)與谷德昭打理YouTube頻道,他說:「呢個頻道反應不錯,其實都好滿足,可以喺呢個時候帶快樂畀觀眾。」

許志安、劉浩龍率領「太陽娛樂文化」一眾師弟團拜。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟