白雲炮製七彩撈起伴和牛 過年經常桃花樹兜圈望增人緣

白雲接受香港開電視主播馬梓軒訪問,並親自下廚炮製七彩撈起伴和牛,盼牛年大紅大紫。在天津出世的白雲,亦分享小時候在家鄉過年嘅傳統習俗,她表示:「在北方過年一定要食餃子同湯丸,我同媽咪通常由晏晝開始就坐定定一直包餃子,包嘅數量足以食到一個月!其實我覺得媽咪係想一次過整多啲,過年後唔駛日日煮飯咁辛苦,哈哈!」

入行後,白雲坦言人緣更為重要,所以每年一定會圍繞桃花樹兜圈:「我只要見到有桃花樹嘅地方,無論商場、花市都會行埋去兜圈!我記得有一次去朋友屋企,佢屋企嘅角位放咗一棵好大嘅桃花開得好靚,然後我為咗兜圈,叫咗我朋友將棵花移出嚟畀我行個圈!」

回顧去年,白雲表示因為疫情,導致工作上有很大的轉變:「本身諗住除咗喺香港,都想開發多啲台灣、北京嗰邊嘅拍攝,但因為疫情好多項目都告吹,所以又要好勤力咁去北京幾個月搵嘢做!但我覺得逆境當中,真係會鍛鍊到自己,重新計劃過所有嘢之餘,亦會有一啲新機會!」

白雲分享自己的新年願望。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟