伍仲衡開網上音樂會成功減肥

音樂人伍仲衡去年於社交媒體舉行多場網上音樂會,他接受訪問時坦言唱歌是一種運動,唱完會變瘦。

(左起)黃劍文、羅凱鈴及伍仲衡接受香港開電視主播馬梓軒訪問。

伍仲衡與歌手黃劍文(Kimman)、羅凱鈴(Judas)接受香港開電視主播馬梓軒訪問,兼齊齊品嘗賀年菜!回顧去年,令伍仲衡最為深刻的,就是舉行逾六十場網上直播音樂會,而Kimman和Judas亦是其中一場嘉賓,伍仲衡表示:「其實我哋啲直播好隨意,冇綵排,佢哋識唱嘅歌多就好好玩,我彈乜嘢佢哋都即刻識唱,好快上手,Kimman和Judas係實力派嚟㗎!同埋我覺得唱歌都係運動嘅一種,我開直播,嗰陣啲觀眾會叫我唱歌搞氣氛,發覺唱完歌真係會瘦咗!」

「疫」市開店捱住先

Judas去年榮升麵店老闆,被問到為何選擇在「疫」市開店,Judas謂:「因為我本來以為疫情好快過去,但發現原來唔係,唯有捱住先,其實自己都好驚!」她直言好睇自己的運氣,冇得後悔。Judas又指自己本身不懂做生意:「第一次跟人學習,我當投資咗嘅錢冇咗㗎啦!」

而Kimman則表示去年嘗試了很多東西,包括音樂劇,此時伍仲衡大讚對方舞技,更笑言打算在下月音樂會上,讓Kimman一展舞技,Kimman指:「如果你想嘅話,我OK的!」他又謂不會感到有壓力。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟