余香凝首派雙封利是教識老公打牌冧母親

由

2021-02-15 12:20

余香凝（Jennifer）今年首次以身份派雙封利是，她透露媽媽鍾意打麻將，故特地教識老公，湊夠四人一齊可以新年打牌。

古天樂旗下公司One Cool Jam Cast一眾藝人：余香凝、廖子妤（Fish）、陳穎欣（Yanny）、麥子樂、徐頴堃（Erica）、林婷，連同余潔滢（Zoe）踏入牛年齊齊煎蘿蔔糕、搓湯圓開年，喻意新一年大家團團圓圓、步步高陞！

去年「升呢」人妻的Jennifer，首次以「陸太」身份登場，難怪一眾同們師兄妹大賣口乖、講盡好說話向Jennifer𢭃利是！首次派利是的Jennifer笑言派利是絕不馬虎，必定派「雙封」之餘，又會準備「好多錢」入利是，她說：「其實過往都有派利是，不過今年會派更加多！」即將在牛年成為人母、腹大便便的Jennifer，表示在疫情影響下會減少外出拜年，但有兩個新年習俗就依舊會做：「每年習俗都同阿妹（Zoe）慶祝生日，同埋返屋企一齊打牌，因為媽媽好鍾意打牌，我哋細細個，佢已經教識我哋打牌，依家終於有埋老公，可以湊夠四個人，一齊打。」

Jennifer續指原本老公不懂得打麻雀，是特別為了陪余媽媽而學：「今年教識佢（老公）打牌，等佢可以一邊打牌一邊同媽咪傾多啲偈，雖然以前我同媽咪、阿妹，三缺一都係咁打，但始終四個人打牌會開心啲。」問到Jennifer，老公是否「魚腩」？身旁妹妹Zoe即搶答表示：「要喺佢老公身上食到胡，係一件好難嘅事。」Jennifer即哈哈大笑：「佢唔會贏，但佢好謹慎，又唔會輸，知道人哋要咩牌，就唔打咩！」她大爆母親通常都是大贏家。

Yanny被催婚嘆未係時候

此外，Yanny在疫情下過新年，感到有點可惜：「屋企有好多老人家，今年唔會一齊食飯，只會喺唔除口罩下拜年，以往好開心，每家人煮一味菜，可以試試對方手勢，不過今年就唔得喇。」問到在拜年期間，可會被親友催婚？Yanny表示：「唔使拜年，無時無刻都被催婚，見到Jessica（蔡明思）同Jennifer結婚，佢哋都會問幾時到我，但自己覺得未係咁快。」Yanny續說踏入牛年，將接受兩個新工作挑戰，一是做節目主持，二是網絡平台工作。