張若希向唐韋琪催婚 期待收雙封利是

張若希(Cheyenne)日前向唐韋琪(Vikki)拜年,她笑言最想收對方結婚雙封利是,但Vikki就話有排等。

張若希向唐韋琪拜年。

去年才出道的Cheyenne,今個新春是第一年向經理人兼唱歌老師Vikki拜年,第一年逗得Vikki的利是,Cheyenne話開心到飛起,問她是否因為大利是所以咁開心?她興奮說:「我未拆呀,媽咪話要過咗新十五才可以拆利是,其實只要有利是逗,唔理大細,一樣咁開心,利是係一個意頭,長輩送給後輩的祝福。

唐韋琪同大家拜年。
她並透露每年都沒有特登去數逗到幾多利是錢,她都原封不動全部儲起:「所以我唔知道最多一年利是錢收到幾多呢!儲到有大計劃的時候才拎嚟用,我的投資係想買樓畀我爹哋媽咪住!」並斗膽向經理人兼老師的Vikki催婚:「其實我最希望逗到Vikki姐姐嘅結婚雙封利是,哈哈!」對於被愛徒催婚,Vikki笑言她會有排等。
張若希話多年來都唔會拆利是。
Cheyenne並表示本來計劃今年初一、二與親戚拜年團聚後就全家去旅行,但因為疫情關係,唯有乖乖地留在香港:「所以全個新年都是拜年,不過就為免聚太多人,好多團拜都取消咗,利是都逗少咗好多。」她謂明白今年經濟差,完全不計較有冇利是,有得拜年已經好開心。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟