吳浩康北京坐29小時火車回港 構思成個人生

英皇娛樂一眾歌手齊齊接受香港開電視訪問,席間大玩新春玩遊戲,其中吳浩康(Deep)分享一次蝦碌經驗時,自爆因遺失銀包及證件,需要坐足廿九小時由北京回港,笑言構思了成個人生出來。

一眾英皇藝人接受香港開電視專訪。

吳浩康、洪卓立(Ken)、 泳兒率領曾樂彤、艾妮(Elly)和李靖筠(Gladys)等小師妹齊齊向香港開電視嘅觀眾星拜年,眾人分成兩隊同主播植詠珊玩生肖知多少遊戲,輸了就要接受懲罰,估不到反應最快是Gladys和曾樂彤,師兄Deep就幫手接受懲罰,要分享入行以來最蝦碌的一次經驗,Deep憶述到北京錄音時,跟朋友吃飯後遺失了銀包,結果所有證件都沒有了,他只能由北京坐火車去深圳補領證件後才回港,他笑道:「點知我買咗一張站站停嘅車飛,足足坐咗廿九個鐘頭車,我坐到唔單止懷疑人生,直情係構思咗成個人生出嚟。」

成班歌手齊齊玩遊戲。

而另一個懲罰係扮小鳳姐唱「喜氣洋洋」,Gladys立即搵師姐泳兒求救,泳兒一開聲就大家一起拍和,甚有氣氛。Elly每次舉手都不及隊友,結果要大家讓賽,讓她可以回答問題。最搞笑的是六人都被題目考起,未能順序說出十二生肖,要偷睇貓紙先完成,頑皮的Deep反客為主懲罰主播植詠珊,要扮牛牛賀年,逗得大家哄堂大笑,十分開心。

最後六人分享牛年心願,眾人都希望可以接多些工作,賺得盆滿砵滿,另外就是疫情遠離,大家都身體健康,曾樂彤就希望工作之餘亦可以去旅行。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟