ANSONBEAN加盟Cool Style 努力學演戲技巧

ViuTV節目《全民造星III》季軍陳毅燊 (ANSONBEAN)加盟新公司Cool Style,成為首名藝人的他透露會先為歌曲製作庫儲,亦會嘗試掌握演戲技巧。

ANSONBEAN加盟新公司

陳毅燊加盟寰亞傳媒集團、古天樂的「天下一」及Angelababy合資的新公司Cool Style,成為旗下第一位藝人。他自加盟公司後即密鑼緊鼓投入工作,他直言自己未有情人,所以二2月14情人節沒有節目,故特地在初三赤口兼情人節這天,回到公司跟經理人Kim Chou拜年及祝她情人節快樂,以答謝她的栽培。年輕又有活力的ANSONBEAN,還一邊跳着舞一邊向Kim拜年,祝福大家心想事成一帆風順,憨態可掬一臉傻氣的,逗得公司一眾同事開心不已。

ANS

ANSONBEAN話會努力學演戲技巧。

對於能夠成為Cool Style旗下第一位藝人,ANSONBEAN感覺自己十分幸運和榮幸,他説:「能夠目擊Cool Style呢間公司誕生,兼且可以成為呢家公司嘅第一個藝人,感覺十分榮幸及特別。自己一直都好喜歡老闆古天樂同埋睇佢嘅戲,STYLE International Management又係一間好國際化嘅公司,全部加埋一齊,感覺好刺激。」

為了不負公司期望,ANSONBEAN直言會加倍努力,他說:「我依家保持住一個星期都會做幾首歌嘅demo,先做一個庫存,然後定期再俾啲大家聽。雖然未知公司會唔會揀到嚟用,但我覺得咁樣會進步得快啲。演戲上嘅練習,我都會去嘗試,雖然之前有試過演戲,但我自覺仍然未掌握到嗰個技巧,仍然未係一個演員。」說罷立即坐言起行,練習一下拳擊踢腿,似乎ANSONBEAN有意向動作電影方面發展。

ANSONBEAN有意向電影發展。

有粉絲支持好重要

雖然加入公司時間尚短,但經過《全民造星III》節目的磨煉,觀眾已看到ANSONBEAN在唱歌跳舞演戲的潛質,未來他會朝那方面發展呢?他說:「我承諾我會搵到一個平衡,喺各方面都會努力,去練習我唔同嘅技能及工作,我知道我前面重有好多成長及進步空間,所以我會每個星期定時去反省,然後再定新嘅指標,去催谷自己。更加要多謝粉絲嘅支持,你哋由一開始就支持我,我有時就算練習到全身冇力,但一想到你哋對我嘅期望,就會即刻起身再努力過,所以你哋嘅支持真係好重要。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟