蔡少芬張晉棄二人世界 與三子女度情人節

剛慶祝結婚13周年的蔡少芬與張晉,是圈中的模範夫妻,非常恩愛。雖然今日大年初三適逢是情人節,不過兩口子卻決定放棄浪漫的二人世界,跟三位「小情人」楚兒、信兒、樂兒共度,過一個熱鬧的情人節。

蔡少芬與張晉今年情人節決定放棄二人世界。

正身處上海的蔡少芬與張晉,過往農暦新年一家都會四出拜年,原定今年他們一家會到張晉「老家」重慶拜年,但因疫情關係,決定留守上海,不會周圍去。雖然如此,但家裏的新年喜洋洋氣氛及習俗卻未有改變,蔡少芬表示:「新年習俗會食湯圓同食團年飯,過往會畀啲囡寫揮春,然後貼滿屋企,不過今年有朋友送上揮春,所以冇寫揮春,其實自己由細到大都會買新衫過年嘅習慣,每年都不例外,而家我哋所穿的紅色衫,三個小朋友都有,仲要係同一款式,只係Size唔同。」問到蔡少芬在農曆年間可會炮製拿手的新年菜式?她即笑謂:「最拿手做團年飯菜式!」身旁張晉聞言即表示:「係你做㗎咩?」蔡少芬回應表示:「哈哈,我有份叫番嚟,年年我哋都會買,唔會做,會買年糕同盆菜,好方便,唔駛自己做,㷫番熱啲食物已經好叻。」

此外,大年初三正正是情人節,出名恩愛的蔡少芬與張晉又會如何慶祝?張晉說:「唔講都唔記得年初三係情人節!」蔡少芬認為新年一家人團聚比情人節更重要,所以情人節會跟家中「小情人」共度,她說:「情人節唔一定要二人世界,佢哋(小朋友)都係我哋啲情人嚟,唔應該放低佢哋,而且新年大過情人節感覺,想同小朋友共度。」而問到一歲大的囝囝樂兒,愈來愈大,可有趣事分享,張晉與蔡少芬即甜絲絲表示實在太多、太得意,他們滔滔不絕表示:「佢一聽到我哋唱歌就會跳舞,最鍾意轉圈,佢覺得轉圈就係跳緊舞,好搞笑,而且佢又好鍾意玩,玩啲高難度動作,拋來拋去,而家又鍾意家姐彈琴,家姐一彈琴,佢就會坐隔離幫手亂彈。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟