符曉薇最驚陳柏宇執屋

陳柏宇(Jason)一家三口接受電視節目訪問,他透露喜歡執屋,家中衣櫃大部份都是老婆符曉薇(Leanne)的衣服,Leanne坦言最驚被Jason問要不要衣服:「我梗係話要啦!」

陳柏宇帶同老婆一同接受電視節目訪問。

陳柏宇日前偕太太符曉薇及女兒陳羿辰(Abigail)接受香港開電視主播馬梓軒訪問,並趁牛年一同到郊外餵牛。Jason和Leanne表示,很享受每次帶女兒親親大自然,Leanne指二人都想帶Abi出去戶外活動,又或者去吓主題樂園,可惜遇上疫情,樂園亦關閉,所以都好無奈。

陳柏宇與太太及女兒同到郊外餵牛。

談及過年節目,Jason表示跟大部分家庭一樣都會去拜年:「通常有一日會去我屋企人度,以往係喺酒樓團拜,然後有一日可能就去Leanne屋企拜年!」他又表示會幫Abi逗的利是儲起,亦已經幫她開了私人戶口,利是錢會放晒入去。

陳柏宇表示已囡囡儲利是。

而Jason和Leanne亦不忘分享新年願望,Jason鬼馬地表示:「希望新一年執乾淨啲間屋,哈哈!我哋屋企每一樣醬料都有,然後我每幾個月就會望一望啲醬料睇吓過咗期未,過期就會全部掉晒佢,然後再添置新嘅,所以屋企啲醬每幾個月會換一次!仲有屋企個衣櫃呀,大部分都係Leanne啲衫,留咁多衫喺度,一年著得幾多次先?」Leanne聞言即笑說:「所以我好驚Jason執屋!佢問我要唔要,我梗係話要啦!」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟