何啟華約盧覓雪過情人節  

何啟華(Dee@Error)及盧覓雪早前為網劇拍攝賀年照,盧覓雪指情人節撞正赤口,阿Dee即時約她,她笑言情人節即變得有意義。

何啟華話約盧覓雪過情人節。

hmvod網劇《向西聞記 新春sp:阿姨!我不想努力了》今日上架,片中一眾演員包括Dee、盧覓雪(雪雪)、邱傲然(Tiger@Mirror)、泥鯭@RubberBand及人氣組合TomFatKei分別拍攝賀年照,雖然阿Dee及雪雪今日牛年伊始已為賀歲片開工宣傳,但他們在農曆年間都各有節目,雪雪會打牌耍樂,由於堂食未開唯有在家吃多幾底糕應節,阿Dee則約朋友玩啤牌、射龍門,吃最鍾意的朱古力,趁過年放肆一下。

提到新年願望,阿Dee指去年大家都受疫情之苦:「最希望大家好好保護自己先,保護自己即係保護緊人哋,大家快快遠離疫症,再重振我哋香港人嗰種熱鬧氣氛。」雪雪表示,香港地運屬牛,今年踏入香港回歸24年,即係本命年:「本命年係主變,咩都有變化,變化係有好同壞,過去兩年已經好痛苦,希望本命年係向好方面轉,希望國泰民安,家家平安。」

Tiger在過年會留家食飯打麻雀,他說:「新年希望《向西聞記》賀歲片多啲人睇,疫情快啲過去,大家正常生活,開開心心。」至於牛年最想做的事,Tiger透露爹哋屬牛,今年60大壽,好希望同父親慶祝生日。此外,泥鯭的新年願望係香港人人健康,樂隊寫更多好歌,他稱四月RubberBand會舉行暫定兩場紅館演唱會,如果疫情趨穩定、入座率有五成觀眾就有機加場。

問到後日是情人節有何節目,雪雪先係扮嬲豬:「唔好同我提,有咩特別?做咩要提啫?有情人咪食飯,冇情人都係食飯。今年情人節年初三係赤口,實嗌交,嗰日禮拜日,送花都冇人見到,唔使返工冇得威。」Dee 聞言即𠱁雪雪:「情人節睇雪姐得得閒,我約佢。」雪雪隨即笑說:「情人節即刻有晒意義!」之後兩人更互相讚美一番。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟