【向西聞記】何啟華火力全開扮劉華扭跳 盧覓雪被粗口浸淫年半爆粗冇難度

號稱牛年全港唯一一部真港產賀歲片、全速趕製後期中的hmvod原創電影《向西聞記 新春sp:阿姨!我不想努力了》,首條官方宣傳片已於日前正式曝光。

《向》片演員包括何啟華(Dee@Error)、盧覓雪、邱傲然(Tiger@Mirror)、黎萬宏(泥鯭@RubberBand)及光頭幫 TomFatki 等,在新推出的trailer中,阿Dee咬住煙仔同條𡃁講:「從來做大事講三樣嘢,銀紙!銀紙!同埋銀紙呀!」這對白正係當年港產片《97古惑仔:戰無不勝》的萬梓良教「陳浩南」鄭伊健點做大事的金句,歷代古惑仔薪火相傳。至於Tiger就叫阿Dee幻想銀紙飄落嚟嘅時候,底線好易變面線,後來鏡頭就交代阿 Dee 縱橫舞場,同大媽跳舞扭到開花,至於阿 Dee 同雪雪共舞,瞇住眼抿起嘴,話自己係跳舞老師:「叫我華仔得啦,因為好多人都話我似華仔。」加埋華式笑聲,係神似地搞笑!另外,片內亦有扮富婆的盧覓雪同泥鯭爆粗的對白,貫徹《向西聞記》貼地及自由創作的風格。

今次雪雪拍《向》片有兩個新嘗試,第一是首次在銀幕上講粗口,但粗口係戲中對白,她又覺得沒有甚麼大不了:「其實我2019年下半年到依家,呢年半入面,我嘅日常生活都充滿住粗口,除咗聽人講好多粗口,我自己都講咗好多粗口,都冇諗過自己講粗口講到咁流利,所以呢個角色講粗口對我嚟講冇難度。」另一個新嘗試就係食煙,雖然雪雪從事報業出身,但她從不抽煙,「今次戲入面有個情節係阿Dee俾口煙我食,當時我係欣然接受。其實我唔識食,係有樣學樣,竟然過到關,因為我冇濁親冇咳到死,唯一係一cut之後即刻要漱口,好難受,啲味道難頂到爆炸。」

至於阿Dee除了講「錢錢錢」對白外,其實他亦即興加插張家輝在《掃毒》中的經典對白「耶穌都留佢唔住呀!」,阿Dee表示,「今次有啲嘢可以試下玩,導演好支持,所以拍攝好開心,試咗好多新嘢,希望呈現喜劇嘅感覺,大家睇完recall返港產片回憶,如果未聽過嘅就當係廢話笑咗去,最緊要大家開心,笑得出係我最大希望。」戲中講「耶穌」時,阿Dee仲要霸氣地叼住三枝煙,這個動作又係臨場jam,但由於要拍不同角度,所以他不停食煙,「希望觀眾感受到壞過凱婷嗰種感覺!嗰日食幾多枝煙真係數唔到,十零廿枝走唔甩。」

hmvod供圖

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟