Heidi@SG 想報讀咖啡師課程開cafe

趙慧珊(Aka)、李靜儀(Heidi)和「演藝新貴」余潔滢(Zoe)三位二月壽星女,日前獲經理人公司賀壽。去年「疫」市做老闆開健身室的Heidi,透露有意報讀咖啡師課程後,再開cafe。

(左起)余潔滢、趙慧珊和李靜儀一同慶祝生日。

三位壽星女獲同門藝人Super Girls成員吳嘉熙(Cheronna)、蔡明思(Jessica)、陳穎欣(Yanny)及余香凝(Jennifer ) 、廖子妤(Fish)、麥子樂(Bryant)、徐頴堃(Erica)和林婷送上蛋糕,舉行了簡單溫馨的生日派對,令壽星女們相當驚喜,「忙內」(意指最年輕的成員)Zoe亦直呼感動:「今年新年冇得全公司一齊食開年飯,以為大家會忘記咗呢件事,點知今日收到生日蛋糕,真係好開心。」

余潔滢(Zoe)、趙慧珊(Aka)和李靜儀(Heidi)獲經理人公司同門藝人送上生日驚喜。

去年疫情肆虐,不過三人化危為機,分別在不同領略上各領風騷:Aka先後推出兩首個人單曲《到底之後》和《Fearless》,並在年尾頒獎禮上連奪數獎,交出了漂亮的成績單。Zoe則憑劇集《男排女將》安安一角獲頒「民選最佳女配角」,對此她坦言冇諗過:「好開心第一套電視劇就得到觀眾票選嘅獎項,知道自己仲有好大嘅進步空間,呢個獎項會成為我嘅推動力。」她謂以後有更多演出機會時,都要記住不要辜負觀眾嘅的支持。

Aka在去年年末的各大頒獎禮上連奪數獎,交出了漂亮的成績單。(趙慧珊IG 圖片)

Zoe憑劇集《男排女將》獲頒「民選最佳女配角」,她表示未來會更加努力,做好每個角色。(余潔滢 IG圖片)

當中熱愛健身的Heidi近月更與友人合資,於觀塘開設健身室,實行「疫」市升呢做老闆:「雖然只係小股東,去年初嘗做老闆嘅滋味,開咗一間健身室,環境好靚㗎,我會叫埋大家一齊嚟做運動!不過最近暫時唔可以營業,希望疫情快啲過去,各行各業都可以回復正常。」

Heidi去年與友人合資開設健身室,升呢做老闆娘。(李靜儀 IG 圖片)

提到今年的生日願望,廿四孝妹妹Zoe貼心表示,最希望家姐余香凝腹中寶寶身體健康;Aka則寄望工作接踵而來:「願望係今年嘅工作比去年多兩倍,哈哈哈!同埋身體健康,以最好嘅狀態去完成每個工作。」

向來有鋪咖啡癮的Heidi則透露,有意報讀咖啡師課程增值自己,席間還自爆其「咖啡夢」:「我好想擁有一間自己嘅Cafe,雖然唔知道幾時有機會開鋪,但係起碼行出第一步,學下相關知識。」為此她亦經常走訪十八區的特色咖啡店,藉此視察環境、品味咖啡,為追夢鋪路。

Heidi有意報讀咖啡師課程,為開店鋪路(李靜儀 IG 圖片)

場地提供:Chroma Cafe

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟