【陀槍師姐2021】谷婭溦為片尾曲《習慣》拍MV 邀周志康飾情侶有火花

(大會提供)

現年30歲的谷婭溦(Vivian)所唱的《習慣》為無綫劇集《陀槍師姐2021》的片尾曲,而因劇集也令她的歌曲深入民心,日前,她更為新歌拍攝MV,邀請到好友周志康飾演MV中的男朋友。

雖然這次MV有很多親密鏡頭,但Vivian卻不感到尷尬:「同阿康認識咗已經好一段時間,大家係同一個經理人,仲係音樂節目嘅拍檔主持,不過合作演戲就係第一次,因為知道今次嘅故事係親密情侶,我要搵個相熟老友先唔怕尷尬,好快就諗起打畀阿康,都要多謝佢一口答應。」周志康亦指二人感情似兄妹,大家拍攝時候可以直接開始互動嬉戲,更建議與對方組情侶檔出合唱歌。

其中有一幕導演要求Vivian爬上天台拍攝對咀鏡頭,她直言有點被嚇到:「今次先發現原來自己有啲畏高,本來導演想我爬上一個比較高嘅天台,拍攝效果會更好,但係我真係做唔到,揀咗另一個低少少嘅位置,拍咗一陣都已經覺得血糖低有啲見暈,要麻煩同事去買啲糖比我補充糖分。」Vivian得知近期新作反應理想感到十分高興:「我會一直努力,唔放棄所有嘅機會,相信堅持就會成功,大家都要有呢個正能量。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟