邱晴整早餐險變燒廚房 古明華睇到火滾

邱晴參與ViuTV真人騷節目,與拍檔炮製早餐。但兩位「地獄廚神」廚藝慘不忍暏之餘,仲險搞到火燒廚房,「教官」官明華火滾狠批「直情離譜」。

 

邱晴與王頌茵廚藝慘不忍暏。

ViuTV全新節目《家務戰場》找來六位「媽寶女孩」Rose Ma、陳婉婷、貝依霖、伍詠詩、王頌茵、邱晴做不同的家務,並由嘉賓古明華執起教鞭,為觀眾送上各種家務貼士及生活知慧。

六位「媽寶女孩」拍攝ViuTV節目《家務戰場》。

六位女孩首集被安排一起入住大屋,齊齊接受集中訓練,她們第一個任務就是要為空置的房間添置所需用品,並將房間打掃乾淨,她們到達家品店選購所需物件,例如清潔用品、消毒噴霧、床上用品等等。如此簡單的一個任務,她們已經錯漏百出,被古明華批評:「其實我唔係好了解依家年輕一代點解會搞成咁?咁當然佢哋每個都好有個性,但係好多嘢都冇顧慮到,尤其是頭先買完嘢返嚟,我發覺佢哋唔係好愛自己,因為好多生活上嘅嘢佢哋都冇考慮到。」他表示希望會見到她們成熟一面:「依家佢哋係唔可以嫁俾人。我唔知而家啲後生仔係點,總之如果嫁俾我一個咁嘅男人,係唔合格囉!」

「教官」古明華直斥六女唔合格!

此外,王頌茵及邱晴二人被分為同組,二人接受神秘任務,為眾人準備早餐,結果慘不忍睹,麥皮如泥漿般「杰撻撻」,中式炒麵的麵餅未經煮滾,只用水喉水凍水沖一沖就落鑊炒,硬到無法食用,古明華再次睇到火滾:「表現直情係離譜,我簡直觀賞咗一個世紀煮食大戰,生麵就咁用凍水淋兩下,就話洗咗啲蠟,攞去炒,完全係錯,錯得好離譜,個鑊見到我就把幾火,燒到個鑊好似要爆咁,出煙出到火燭咁,黑色嘅變咗,我哋睇到火滾,唔係佢哋煮到火滾呀!」

邱晴王頌茵煮炒麵,硬到無法食用。
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟