Fatboy@ERROR怕醜 唔敢搵鄧麗欣合作

人氣男團組合ERROR隊長梁業亦(Fatboy)於新歌MV中被女圍,他直言拍盡人生所有膊頭。至於為何不邀請成功「抄牌」的鄧麗欣(Stephy)擔任女主角,但表示自己太怕醜,不敢找對方合作。

梁業亦於新歌MV中被女圍。

梁業亦日前推出新歌《Lady Killa》,他表示當收到花姐通知可以「單飛」出歌,他非常開心,並感謝許廷鏗給予意見:「音樂人我識唔多,但好多謝許廷鏗介紹音樂人畀我,而且又畀咗好多意見,令我可以促成今次呢首歌,錄完之後,我都有畀佢聽,佢話OK,增強咗我唔少信心。」

梁業亦可以「單飛」出歌感到非常開心。

為配合MV風靡萬千少女的主題,Fatboy收起惹笑形象,Chok爆以多個「型男」造型上陣。對於首度「單飛」出歌,Fatboy大叫緊張,他不僅花了近兩個月籌備MV,更劇意減肥上陣,而且更碌盡人情卡邀請朋友幫手,他說:「今次Idea自己係一塊唐僧肉,有好多女仔圍繞身邊,今日所有舞蹈員、武術指導都嚟幫手,基本上為咗今次MV拍盡人生所有膊頭。」拍攝新歌MV當日更出動半百工作人員及十多位舞蹈員,期間還邀請靚女模特兒關雅芳(Vagary)擔任女主角。問到今次在MV中畀「女圍」,Fatboy指全部都是識了好耐的朋友,不敢說艷福的感覺。

關雅芳為Fatboy擔任MV女主角。

問到Fatboy今次MV女主角,為何不邀請在《男排女將》中成功「抄牌」的鄧麗欣?他表示:「女主角都篩選咗好幾個,最想搵欣宜,因為女主角係Queen嚟,佢跳得、而且出嚟好有霸氣,但可惜時間配合唔到,至於Stephy都有諗過搵,但自己太怕醜,最後都係唔敢搵佢。」

鄧麗欣早前參與《男排女將》演出。(資料圖片)
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟