Edan@MIRROR中學時期被封「男神」

人氣男團組合MIRROR成員呂爵安(Edan)「單飛」後,首次以學生造型回母校為新歌拍攝MV,又大玩「三角戀」。他自爆中學時期被封「男神」,算是校內風頭躉。

Edan自爆中學時期是「男神」。

呂爵安早前拍攝新歌《E先生 連環不幸事件》MV,MV中亦滲透不少Edan自身元素,既出動私伙鋼琴,又特別返母校取景拍攝,盡顯青蔥氣色。難怪他表示新歌別具記念價值:「感覺好特別,第一次拍個人MV,個場景係返回中學母校,其實近幾年都冇返過嚟,今次返嚟感覺環境都好熟悉,有助情緒容易入戲。」回想中學時期,熱衷參與課外活動的Edan自爆是「風頭躉」,他笑言:「實不相瞞,中學時我都被稱之為『男神』,低年級嘅女同學,好多時會有崇拜師兄,搵啲師兄影合照,所以我都算係風頭躉。」

Edan出動私伙鋼琴拍攝新歌MV。

Edan的新歌MV講述三位好朋友之間的「三角戀」故事,當中一場「攤牌」戲,三位主角更要情感大爆發,Edan表示:「呢將戲係最難忘,因為喊戲對自己難度極高,本身係唔易喊嘅人,好彩兩位對手表現好好,我都畀佢哋嘅情緒感染。」

Edan(右)與林家熙(左)於MV中爭譚旻萱。

提到首次「單飛」,Edan坦言心情緊張,問到他有否就「單飛」向MIRROR的好兄弟取經?他擰頭說:「冇刻意取經,大家風格唔同,各有歌路。」不過他慶典隊友之前做了榜樣給他看,讓他知道應該甚樣做。

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟