方力申對自己有要求 同女友做運動鬧交收場

運動員出生的方力申(小方)於節目透露,因為自己對運動有要求,曾與女朋友做運動時鬧交收場,故不覺得是一件甜蜜的事。

方力申為小儀主持的節目擔任嘉賓。

「陽光型男」方力申為阮小儀主持的香港開電視節目《小儀與13型男》擔任嘉賓。為配合方力申熱愛運動的喜好,小儀特別安排跟對方大玩TRX(懸吊式阻抗訓練),兩人大擺親密甫士,小儀以男上女下般躺在地上與小方大玩「女朋友視角」,小儀表示二人相識多年,少有親密鏡頭:「導演都唔會擺我哋做一對,呢啲(親密)動作頭先即席諗,佢又唔介意,純粹佢又信我、我又信佢,係一個友情Moment,感覺有趣!」

小儀與方力申大玩TRX。

問到過往有否曾跟另一半一起做運動?方力申點頭表示有,但他笑言並不是好事:「細個有同女朋友一齊做運動,但都鬧交收場,自己對運動有要求,會教對方咁做先啱、咁做唔啱,人哋就會拍枱、掉毛巾話唔做喇,所以同女朋友做運動係咪會好Sweet呢?我覺得未必係。」方力申笑言:「自己最大缺點,就係因自己運動員出身,對自己要求好高,好自然喺咁情況下會同女朋友講『差啲喎』,所以最後換嚟嘅效果係唔理想。」

方力申笑言對自己要求高,是最大缺點。

KPOP嚇窒小

小儀為迎合方力申運動型性格又要展現女性優雅一面,她在拍攝前幾日專誠學跳KPOP,不過小方卻被小儀雞手鴨腳的舞姿,嚇得目瞪口呆,還在鏡頭前「食螺絲」。小方口窒窒表示:「好有誠意,但點解、點解、點解要跳舞?」場面惹笑。

小儀跳KPOP,嚇到方力申「食螺絲」。

方力申席間不時強調自己單身已久,並說:「疫情下好難識人!」小儀聞言表示可以透過玩App識人,方力申指:「你玩我咩?App要擺自己張相,記者咪知。其實我好Old School,讀書時係游泳運動員,喺泳界好多家長識,佢哋就等於之後嘅『狗仔隊』,嗰時已經地下情,到入行時係『狗仔隊』最旺嘅時期,自己又係地下情,慣咗喺呢件事上好緊張,就算而家對個女仔有好感,都唔敢約食飯,一約就會畀人覺得『出擊』咁。」方力申自言拍拖最大缺點是過於理智,而問到他的擇偶條件,他表示首選性格隨和。

 

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟