譚杏藍自爆疫情期間肥到有「孕肚」 的起心肝靠秘技極速減磅

擁有近40萬粉絲的YouTuber兼藝人譚杏藍(小花/Hana),日前在IG上曬出兩張身材對比照,自爆自己曾在疫情期間,因食量大增又少外出活動而體重大增,像有了三、四個月身孕一樣,令不少人誤會她與拍拖多年的男友ToNick主音趙善恆有喜,但最終靠健康方法成功減磅。

小花表示:「回頭是岸系列,仲記得第一二次疫情爆發,所有活動拍攝都取消,健身室關閉,又唔敢落街跑,開啟左全面休息狀態,每日喺電腦前面唔係剪片就係食嘢,食嘢成為左最大嘅樂趣。雖然零食甜嘢汽水一律都冇放入口,但唔知係咪我食量真係好強,我嘅身形同埋體重去咗最高峰嘅狀態,我未試過超過120磅;然後我拉開個肚皮,我真係有一刻懷疑我有咗!」

小花之後表示,由嗰日開始就開始慢慢減,用最健康嘅方法去減磅,「做運動,做好飲食,再飲多啲水(我本身飲2.5公升,而家加到3公升)調教返身體代謝,日子有功,終於回復正常。而家繼續注意飲食,每個星期搵兩三日做運動就ok,唔理個疫情係點,都要搞番好個人先可以繼續行。都係嗰句,希望健身室快啲開返,人人有GYM做,想知我最近做咩運動,都可以去我YouTube睇新片。點都好,健康最緊要,報告完畢。」

譚杏藍IG圖
譚杏藍IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟