陳健安花心思排曲目 籲歌迷順序聽

唱作歌手陳健安(On 仔)早前舉行第二張個人專輯的發布會,與三位好友合唱新歌。他表示今次在歌曲排序上花了很多心思,呼籲歌迷順序聽。

陳健安(右)舉行新專輯發布會。

因新冠肺炎疫情關係,陳健安的新專輯《未知之知》改以網上直播形式進行,On仔説雖然沒法安排歌迷到現場參與,但難得仍然可以現場表演,並有好友吳嘉熙(Cheronna)、張惠雅 (Regen)及樂隊Nowhere Boys主音歌手Van,一起到現場合唱新歌《約定的夢幻島》,On仔形容自己已經好開心和感恩,他說:「最開心係今日難得咁齊人,可以請到唱片入面最後一首歌《約定的夢幻島》成個創作及演唱班底,包括作詞嘅 Oscar,編曲監製嘅賴映彤,合唱嘅Cheronna、Regen及Van,重有作曲嘅我啦!就連遠在台灣有份合唱嘅李拾壹,我哋都用有佢個樣嘅紙牌嚟代表佢,公司俾咁大自由度俾我,可以搵到咁多好朋友合作,真係好開心。」

吳嘉熙(左一)、張惠雅 (右一)及Van(右二)齊撐陳健安(左二)。

因為製作時間緊迫,事前On仔亦未親眼見到的新唱片實物,當他到場遠遠見到排列整齊的新唱片時,立即忍不住上前拆開封套仔細察看內裏設計,他說:「今次唱片封套印刷好靚,之前提過我將孩童玩意『鬼口水』加入拍攝,設計師好聰明咁將鬼口水照片印咗喺牛油紙上面,出嚟效果好靚呀,都冇想過攝影師可以將鬼口水拍得咁靚。」她他坦言好滿意,亦多謝公司肯支持這個製作。

陳健安首次新唱片的實物。

此外,On仔不忘提醒買碟的歌迷說:「我最開心係可以順住唱片上次序一次過將所有歌唱晒出嚟,因為咁樣好能夠配合到創作原意,所以我好強調希望大家係順序嚟聽,因為成個排列次序我都花咗好多心思,無論係內容、編曲、音調及開首結尾,都有細心安排。」

【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟