唐紫睿自爆入醫院做耳仔手術 大讚主診醫生好似白衣天使

周秀娜前師妹唐紫睿(Hazel)日前入醫院做手術,手術順利完成,目前Hazel本在醫院休養。她日前在IG上分享了自己做手術的消息,並拍照分享自己留院的點滴,並透露自己的耳朵接受了3小時手術,主要是切除乳突和耳膜聽骨重建。

她留言分享醫治的經過,表示:「由發病(耳仔流水)到搵專科醫生做手術,3個禮拜搞掂,原來中耳裏面有個計時炸彈,自己唔知,隱性病,好彩係發現得早,本來唔太想po張相嚇人,但想勉勵一下打緊逆境波嘅朋友仔(包括我自己)。痛苦,疾病與折磨也是人生必經之路,生老病死也只是過程而不是終點,遇到要打大佬嘅時候就要勇敢面對,要比平時堅強精靈一百倍(我只係喊咗一次咁多)。打咁多字有啲頭暈,我要做個乖少少嘅病人,bye…..你哋嘅打氣我收到晒!」

另外,她又指自己做完手術後充滿睡意不想起身,「今朝瞓到完全死豬一樣,姑娘各種清潔量血壓,我都係無反應繼續瞓任人魚肉,直至我嘅主診醫生好似白衣天使咁係陽光底下出現我先肯起身~找個溫柔帥氣可靠的醫生對病情一定有幫助(呷醋男友慎入),今日可以落床有胃口食早餐,姑娘係後面寫住(禁右耳探熱係咪攪gag) 。」最後,她又留言向粉絲透露,自己起碼要休息一個月先可以做劇烈運動。

唐紫睿IG圖
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟